Argjentina e Kroacia vendosen përballë në gjysmëfinalen e parë në Katar 2022. Dy teknikët tashmë nuk duan të bëjnë eksperimente dhe e kanë formuar ekipin e tyre ideal. Por nëse, Dalic mund të ruajë ekipin që eliminoi Brazilin, Scaloni duhet të bëjë me dy mungesa me peshë.
ARGJENTINA
Arbitri Mateu Lahoz nuk do të miqësohet me kampet e Argjentinës dhe Holandës, të paktë së shpejti. Veçanërisht me dy nga 17 kartonët e tij të verdhë që shkuan për mbrojtësit e Albiceleste, Gonzalo Montiel dhe Marcos Acuna. Të dy lojtarët tani janë pezulluar për gjysmëfinalen dhe do të mungojnë kundër Kroacisë. Montiel nuk kishte gjasa të sfidonte Molina për pozicionin e mbrojtësit të djathtë. Ndërsa Acuna do t’i kalojë përgjegjësitë e mbrojtësit të majtë tek Nicolas Tagliafico.
Tekniku Scaloni ka qenë me fat që asnjë lojtar nuk u dëmtua në çerekfinalen 120-minutëshe. Alejandro Gomez po përpiqet të jetë i disponueshëm, ndërsa përshpejton rikuperimin e tij nga një ndrydhje në kavilje. Rodrigo De Paul dhe Angel Di Maria, të cilët kanë pasur probleme me dëmtimet, presin të jenë të aftë për të luajtur nga minuta e parë gjysmëfinalen. Scaloni zgjodhi të përshtaste formacionin me Holandën me një vijë të pasme me pesë lojtarë. Por Lisandro Martinez, me një kalim në mbrojtjen me katër, mund t’i hapë vendin Di Marias, sërisht i gatshëm.
KROACIA
Sa i përket Kroacisë, Dalic duhet të punojë me të gjithë lojtarët në dispozicion për gjysmëfinalen. Kjo pasi edhe Borna Sosa dhe Mislav Orsic janë rikuperuar nga problemet përkatëse. Duke pranuar se skuadra e tij vuan shumë për gola, Dalic hodhi në fushë Mario Pasalic që nga minuta e parë kundër Brazilit. Lojtari i Atalanta mund të ndihet i sigurt për të mbajtur pozicionin e tij në krahun e djathtë. Andrej Kramaric rrezikon t’i hapë vendin në majë të sulmit Petkovic, që shënoi golin e barazimit ndaj Brazilit në çerekfinale. Por lojtari i Hoffenheim ka filluar titullar çdo ndeshje në Katar deri tani dhe ka të ngjarë të mbajë vendin e tij edhe kundër Argjentinës.