Argjentina është në finalen e Kupës së Botës dhe shumë merita i takojnë Lionel Messi. Një gol me penallti dhe një asist edhe ndaj Kroacisë. “Gjatë gjithë Kupës së Botës, ajo që ne përjetuam ishte diçka e pabesueshme – tha ai pas ndeshjes -. Le të shkojmë dhe të luajmë ndeshjen e fundit. Është ajo që donim”. Më pas ai u drejtohet tifozëve: “Jam argëtuar që kur kemi ardhur në Botëror edhe pse e kemi nisur me humbje. Ne kemi besim, kërkojmë nga njerëzit të na besojnë, ne e dimë se çfarë jemi. Ky grup është çmenduri. Edhe një herë Argjentina është në një finale botërore, shijojeni të gjithë këtë”.
Gjithçka që kemi parë që nga fillimi i Kupës së Botës është një çmenduri. Ajo që shohim në çdo ndeshje me njerëzit në Argjentinë – shtoi Messi në mikrofonat e Tyc Sports -. E dimë se çfarë jemi, çfarë mund të arrijë ky grup. “.
Për finalen e së dielës. “E dinim se mund ta arrinim, kemi shumë besim. E dinim që nuk ishim kandidatët kryesorë, por nuk do t’i dhuronim askujt asgjë. Gjithçka që bëmë ishte falë nesh, ndeshje pas ndeshjeje. Detajet ndryshojnë lojën, por ky grup ka qenë gjithmonë i qartë se do të jepte maksimumin. Le të argëtohemi, kjo që po bëjmë në këtë Botëror është një rezultat i jashtëzakonshëm. Ne do të bëjmë më të mirën në finale dhe do të heqim dorë nga gjithçka për t’ia dalë. Por tani duhet ta shijojmë këtë moment të mrekullueshëm”.
MESSI THYEN REKORDE TË TJERA
Lionel Messi vendosi rekorde të reja mahnitëse kundër Kroacisë. Me 11 gola, ai kaloi Gabriel Omar Batistuta si golashënuesi më i mirë i Argjentinës në Kupën e Botës. Me prezencën ndaj kroatëve, Pleshti ka 25 ndeshje në Kupën e Botës. Një shifër që barazon Lothar Matthäus, si lojtari me më shumë prezenca në historinë e kompeticionit. Fenomeni argjentinas u bë lojtari i parë që shënoi dhe asistoi në katër ndeshje të veçanta në një edicion të Kupës së Botës. Ai ka qenë aktivisht i përfshirë në 19 gola në Kupën e Botës (11 gola, 8 asiste). Messi barazon kështu numrin më të lartë të gola+asiste nga një lojtar që nga viti 1966. Rekord që mbahej më parë nga Miroslav Klose, Ronaldo dhe Gerd Müller.