Një grabitëse femër u kap në shtëpinë e Robert De Niros në Upper East Side duke rrëmbyer dhuratat e Krishtlindjeve.
Sipas, The Post, Shanice Aviles hyri në shtëpinë e aktorit të “Irishman” rreth orës 2:30 të mëngjesit. Oficerët e ekipit të Sigurisë Publike kishin parë Aviles duke u përpjekur të hapte dyert e ndërtesave tregtare përpara se ajo të hynte brenda shtëpisë së De Niros.
“Ajo po vidhte dhuratat e Krishtlindjeve,” konfirmoi një zyrtar i policisë. Ai shtoi se nuk kishte asnjë ndërveprim mes aktorit dhe hajdutit. Robert dhe vajza e tij kishin qenë në katin e sipërm dhe nuk ishin në dijeni të asaj që po ndodhte, thanë burimet. Policët arrestuan Aviles, e cila ka gjithsej 26 arrestime të mëparshme. Aviles filloi krlmet e saj, gjatë pandemisë, thanë burimet . Ajo u kap për shtatë vjedhje midis 25 nëntorit dhe 8 dhjetorit në Upper East Side.
Një banor i përjetshëm i Nju Jorkut, De Niro shiti shtëpinë e tij në fshatin West Village për 9.5 milionë dollarë në vitin 2012. Në kulmin e pandemisë, aktori i “Goodfellas” u zhvendos në shtëpinë e tij në veri të Nju Jorkut. “Ai synon të banojë në Gardiner për një të ardhme të parashikueshme,” tha avokatja e tij Caroline Krauss. “Ai është 76 dhe në kategorinë e njerëzve për të cilët COVID-19 është i rrezikshëm.”/Lapsi.al
Lexo Edhe:https://lapsi.al/2021/08/18/robert-de-niro-ne-nje-romance-te-re-dashurie/