Një festë sipër normave, sigurisht e papërshtatshme, sigurisht për t’u stigmatizuar. Dejan Lovren (mbrojtësi i Zenit Shën Petersburg) dhe mesfushori i Interit, Marcelo Brozovic, përfunduan në qendër të polemikave. Në një video që u bë virale në Kroaci, dy lojtarët në fakt janë filmuar brenda një klubi. Gjatë festimeve për vendin e tretë të fituar në Kupën e Botës në Katar ata bërtisnin ‘Za dom spremni’, që përkthehet ‘gati për atdhe’.
Një moto, e shoqëruar me një gjest me dorë, të përdorur gjatë Luftës së Dytë Botërore nga Ustaša kroate. Ata tradicionalisht gjejnë hapësirë në qarqet ultranacionaliste (dhe fashiste) në Kroaci. Fjalët e inkriminuara të Lovren e Brozovic janë fillimi i një kënge nga Thompson, një grup kroat, drejtuesi i të cilit në atdhe konsiderohet si neo-nazist.
Lexo më tej: Video/ Një magji e Orsic mposht Marokun 2-1, Kroacia ngushëllohet me vendin e tretë në Katar
Ndër të tjera, edhe gjatë Botërorit të sapo përfunduar, festimet e lojtarëve kroatë kishin ngjallur polemika. Pas suksesit në çerekfinale kundër Brazilit, lojtarët e trajnerit Dalic u filmuan duke kënduar vargjet e një kënge tjetër të Thompson. Referimi ishte për “Herceg-Bosna”, një komunitet kroat i krijuar midis 1991 dhe 1994 gjatë luftës në Ballkan. Ata janë njohur si një projekt kriminal nga Gjykata Ndërkombëtare Penale në Hagë.