Gjermania ishte padyshim një nga zhgënjimet e mëdha të Katar 2022. Skuadra e Flick në fakt u eliminua në fazën e grupeve të kompeticionit, duke arritur të fitojë vetëm një nga tre ndeshjet e para. Bëri zhurmë sidomos humbja e fortë kundër Japonisë në debutim. Shumë yje të kombëtares tashmë janë drejt perëndimit dhe për gjermanët nevojitet urgjentisht një ndryshim i shpejtë brezash. Gazetarët dhe specialistët e kanë drejtuar gishtin te veteranët Thomas Muller, Toni Rudiger dhe Ilkay Gundogan. Por ka edhe nga ata që një pjesë të fajit për eliminimin ia kanë atribuar Toni Kroos. Sa keq që mesfushori nuk ishte fare në Katar, duke qenë se u tërhoq nga kombëtarja më shumë se një vit më parë…
Kjo ndodhi gjatë emisionit të njohur televiziv spanjoll El Chiringuito. Gazetares Cristina Cubero iu kërkua të përmendte se cilët mendonte se ishin lojtarët më të këqij të Botërorit të fundit në Katar. Pasi përmendi sulmuesin brazilian të Real Madrid, Vinicius Junior, gazetarja papritur përmendi edhe shokun e tij të skuadrës Toni Kroos. E papritur sepse mesfushori i dha lamtumirën kombëtares gjermane 18 muaj më parë, menjëherë pasi ekipi i tij u eliminua nga kampionati europian.
REAGIMI I KROOS
Dice Cristina Cubero que los PEORES JUGADORES del MUNDIAL han sido VINICIUS, que hizo 1 GOL, dió 2 ASISTENCIAS y participó de forma directa en 2 goles más de Brasil, y KROOS, que se RETIRÓ de la selección alemana hace 18 MESES.
👏👏👏 pic.twitter.com/8sblAeXBJR
— Alex Porcel (@AlexPorest) December 23, 2022
I informuar për atë që tha Cubero, Kroos i besoi Twitter reagimin e tij. Gjermani u tall me gabimin e saj, duke postuar videon e inkriminuar: “E dija që dikush do të më fajësonte”, shkroi ai së bashku me një emoji duke qeshur. Gazetarja spanjolle, pasi klipi u bë viral në rrjetet sociale, shpjegoi se ishte ngatërruar, duke këmbëngulur se kishte ndërmend të emëronte ish-shokun e skuadrës së Kroos, Thomas Muller. “Hahahahahaha më fal Toni”, ka komentuar ajo, në përgjigje të postimit të gjermanit. “Admirim i thellë për ju. Mendoj se zgjedhja jote (për t’u larguar nga kombëtarja) ishte një zhgënjim. Por respekt për ty si person”.
Një lapsus mund t’i ndodhë të gjithëve. Por pak më shumë përgatitje herën tjetër nuk do të bënte keq e dashur Cristina…