Beteja mes Karim Benzema dhe Didier Deschamps në Francë vazhdon pa ndalesa. Menaxheri i sulmuesit francez tregoi në rrjetet sociale pamjet e dëmtimit të pësuar nga Topi i Artë, dy ditë para debutimit në Botëror. 34 vjeçari duhej të debutonte në Katar 2022 kundër Australisë, por pas dëmtimit iu kërkua të largohej nga kampi stërvitor. Karim Djaziri nuk ngurroi të niste sulmin: “Benzema ishte i rikuperueshëm nga 1/8, përse i kërkove të largohej kaq shpejt?”. Pyetja cinike i drejtohet trajnerit të Francës.
Vetë Benzema – i cili njoftoi largimin përgjithmonë nga kombëtarja me të cilën kishte një marrëdhënie më shumë se turbulente – nuk u përmbajt. Në rrjetet sociale sulmuesi komentoi imazhet e postuara nga menaxheri i tij: “Sepse sapo të shikosh njëherë, e kupton”.
Sipas rikonstruksionit të bërë nga sulmuesi, Benzema do të kishte qenë në dispozicion në çdo ndeshje të turneut, duke filluar nga 1/8. E, në vend të kësaj, u detyrua të largohej nga grumbullimi. Mbetja në listën prej 26 lojtarësh nuk kishte pastaj asnjë rëndësi: “Kam konsultuar 3 specialistë dhe të gjithë konfirmuan diagnozën. Sipas asaj Karim do të ishte rikuperuar të paktën për të qenë në pankinë”. Rasti ka shpërthyer zyrtarisht prej disa kohësh, por nuk ka shenja zbutjeje.
Je pose ça là mais avant ça j’ai consulté 3 spécialistes qui confirment le diagnostic que @Benzema aurait pu être apte à partir des 1/8 éme pour au moins être sur le banc ! Pourquoi lui avoir demandé de partir si vite ? pic.twitter.com/wtOHhDeDVW
— Karim Djaziri (@KDjaziri) December 26, 2022