Julian Alvarez, sulmuesi argjentinas i Manchester City, është kthyer në një idhull në Argjentinë. E kuptueshme, duke parë rolin e tij vendimtar në edicionin e fundit të Kupës së Botës në Katar. Julian ka bërë një turne fantastik, duke i marrë vendin Lautaro Martinez, fillimisht i preferur titullar. Sulmuesi megjithatë nuk po arrin të shijojë momentin, për shkak të partneres së tij. Emilia Ferrero, në fakt, ka përfunduar në një ciklon polemikash, pikërisht në këto orë.
Ndërsa Julian po shkonte për të festuar natën e Krishtlindjes me të afërmit e tij në Calchin, ai u ndalua nga një grup fëmijësh. Sigurisht ata mezi prisnin për t’i kërkuar autografe dhe selfie yllit të kombëtares. Ata që filmuan skenën ishin prindërit e fëmijëve. Pikërisht ata janë indinjuar nga reagimi i Emilia Ferrero. Partnerja e futbollistit, në një moment, i kthehet grupit dhe i thotë befas: “Djema, tani mjaft, fotoja e fundit dhe pastaj duhet të ikim”. Të menjëhershme kanë qenë reagimet e përdoruesve për videon që u bë virale: “Lëri të vegjlit të bëjnë një foto me idhullin e tyre”. Emilia tashmë, në Argjentinë, është akuzuar se “shkatërroi ëndrravt e shumë fëmijëve”.
LA MALA MANERA EN LA QUE LA NOVIA DE JULIAN ALVAREZ SE METE CUANDO EL SALUDA A LOS CHICOS SE CREE LA MANAGER DE EL YA , LA ODIO pic.twitter.com/U8CztH0qcN
— franco (@brillamila) December 25, 2022