WhatsApp së shpejti do të ndalojë së punuari në miliona telefona.
Personat me modele të vjetra iPhone dhe Android nuk do të jenë në gjendje të përdorin aplikacionin e njohur të mesazheve pas 31 dhjetorit.
WhatsApp do të pushojë së funksionuari në 49 marka telefonash, duke përfshirë; iPhone 5 dhe 5c së bashku me disa modele Android nga Samsung, Huawei dhe LG.
Përdoruesit do të njoftohen me një mesazh paralajmërues përpara se aplikacioni të ndalojë së punuari. Një deklaratë nga WhatsApp që shpjegon lëvizjen tha: “Pajisjet dhe softueri ndryshojnë shpesh. Kështu që ne shqyrtojmë rregullisht se cilat sisteme operative mbështesim dhe bëjmë përditësime.
“Këto pajisje gjithashtu mund të mos kenë përditësimet më të fundit të sigurisë, ose mund të mos kenë funksionalitetin e kërkuar për të ekzekutuar WhatsApp. Për të zgjedhur se çfarë të mos mbështesim, çdo vit ne, shikojmë se cilat pajisje dhe softuer janë më të vjetrit ose kanë numrin më të vogël të njerëzve që ende i përdorin ato. Për të përditësuar sistemin tuaj operativ në një iPhone, shkoni te cilësimet “të përgjithshme” dhe zgjidhni “përditësimi i softuerit”.
WhatsApp paralajmëroi përdoruesit se këto ndryshime do të ndodhin që në vitin 2017. “Ky ishte një vendim i vështirë për ne. I duhuri për t’u dhënë njerëzve mënyra më të mira për të mbajtur kontakte me miqtë, familjen dhe njerëzit e dashur,” shtoi një zëdhënës i kompanisë. /Lapsi.al
Marrë nga: Independent
Lexo Edhe:https://lapsi.al/2022/12/21/whatsapp-sjell-funksionin-e-ri-per-mesazhet/