Policia e Pogradecit në bashkëpunim me shërbimet e komisariatit të Librazhdit, kanë vënë në pranga një 29-vjeçar. Ai ishte duke transportuar emigrantë të paligjshëm me qëllim kalimin ne paligjshëm të kufirit kundrejt pagesës.
Shtetasi D.Gj. banues në Tiranë drejtonte automjetin pa leje drejtimi. Si rezultat u bë kapja dhe arrestimi në flagrancë për veprat penale “Ndihma për kalim të paligjshëm të kufijve”, “Mosbindja ndaj urdhrit të punonjësit të policisë së rendit publik” dhe “Drejtimi i automjeteve në mënyrë të parregullt”. Materialet i kaluan prokurorisë për veprime të mëtejshme.