Sheikët e Al Nassr e mbuluan me para Cristiano Ronaldon, por jo vetëm. Menaxheri i tij ka arkëtuar një tarifë rekord transferimi prej 30 milionë eurosh. Një mal me para që nuk do të përfundojë gjithsesi në xhepat e menaxherit historik Jorge Mendes. Një konfirmim se marrëdhëniet me të janë prishur plotësisht. Siç zbulohet nga gazeta portugeze A Bola, shuma e madhe do të përfundojë në xhepin e Ricardo Regufe. Ai është ‘menaxheri personal’ me të cilin CR7 u miqësua kur nënshkroi kontratat e tij të para me një multinacionale amerikanoveriore.
Cristiano Ronaldo donte të vendoste vetë për të ardhmen e tij. Pas lamtumirës së tij me Manchester United, ai vendosi t’i bëjë të gjitha vetë pa ndërmjetësimin e Jorge Mendes. Kështu, Ricardo Regufe, miku dhe krahu i djathtë i CR7, filloi të merrte një rol gjithnjë e më me ndikim në prapaskenat e negociatave. Aq sa të minonte mbretin e menaxherëve.
Lexo më tej: Video/ Stadium i tejmbushur e gazetarë që bëjnë ‘Siuuu’ në konferencë: prezantimi madhështor i CR7
Të dy ishin takuar në vitin 2003, kur Regufe, ishte menaxher marketingu i Nike. Ai bëri që portugezi të nënshkruante një marrëveshje me vlerë mbi 16 milionë euro në vit. Që atëherë lindi një miqësi e madhe dhe Regufe u bë njeriu i tij i besuar. Ndërmjetësi zyrtarisht ka për detyrë të merret me të gjithë sponsorët e Cristiano Ronaldo dhe ndoshta, edhe për këtë arsye, roli i tij në negociatat me Al-Nassr është bërë thelbësor. Sepse një pjesë e madhe e pagës së kampionit portugez lidhet me partneritete tregtare.