Fushata për të riedukuar Jordan Peterson

Ju do të mendonit se kanadezët tashmë kishin mësuar të mos i tregonin Jordan Petersonit se çfarë të thoshte. Profesori i psikologjisë u bë një sensacion i internetit në vitin 2016 pasi argumentoi se legjislacioni kanadez përbënte “fjalim të detyruar” për përemrat gjinorë. Tani Kolegji i Psikologëve të Ontarios po kërkon që Peterson të pranojë se i mungonte profesionalizmi në deklaratat publike. Dhe, t’i nënshtrohet një “programi stërvitor” të edukimit përmirësues.

Ndoshta komisarëve të rinj u mungonin videot e zotit Peterson që lavdëronin Aleksandër Solzhenicin, njeriun që tha: “Mos jeto me gënjeshtra”. Peterson nuk u pajtua dhe tha se tani do të përballet me një komitet disiplinor që mund t’i heqë licencën për të ushtruar profesionin.

Kolegji i Psikologëve, organi drejtues i profesionit në Ontario, caktoi një hetues në mars për të shqyrtuar ankesat rreth komenteve të zotit Peterson në Twitter dhe podcast-in e njohur të Joe Rogan. Më 22 nëntor, paneli i Kolegjit nxori një vendim. Sipas imazheve të ofruara nga zoti Peterson, paneli vendosi: “Komentet në fjalë duket se minojnë besimin e publikut në profesionin në tërësi. Dhe, ngrenë pikëpyetje në lidhje me aftësinë tuaj për të kryer përgjegjësitë tuaja si psikolog.” 

Por cilat janë këto komente? Quajtja e Elliot Page, aktorin transgjinor, me emrin e tij të mëparshëm, “Ellen” dhe përemrin “ajo”, në Twitter. Quajtja “trap” të një këshilltari të kryeministrit Justin Trudeau. Një goditje sarkastike ndaj ambientalistëve anti-zhvillim. Ambientalistë që nuk kujdesen që politikat e tyre energjetike të çojnë në më shumë vdekje të fëmijëve të varfër të Botës së Tretë.

Quajtja e një ish-klienti “hakmarrës”. Kundërshtimi i artikulli hapës të revistës Sports Illustrated të një modeleje plus-size: “Më falni. Jo e Bukur. Dhe asnjë sasi e tolerancës autoritare nuk do ta ndryshojë këtë.” Në Kanada, edhe sharjet fillojnë me “më fal”. 

Lexo më tej: Oruelli kishte të drejtë: “Fjala e lirë është e rëndësishme, por nuk mjafton” 

“Rreziku i ndikimit në këtë rast është i rëndësishëm,” zbuloi paneli, sepse komentet “mund të shkaktojnë dëm”. Paneli e këshilloi zotin Peterson se stërvitja do të ndihmonte në “zbutjen e çdo rreziku për publikun”. Kolegji i Psikologëve nuk pranoi të komentojë mbi rastin, duke përmendur konfidencialitetin.

Z. Peterson u përgjigj me këtë arsyetim: “Kush u dëmtua saktësisht, si, kur, në çfarë shkalle dhe si u mat ai dëm?” Ai thotë se ka pasur rreth një duzinë ankesash formale që nga viti 2017, ku secila prej tyre kërkon një përgjigje zyrtare. Një ankues citoi përgjigjen e zotit Peterson në Twitter ndaj një kritiku të shqetësuar për mbipopullimin: “Ju jeni i lirë të largoheni në çdo moment.” Zoti Peterson mendon se hetimet nuk kanë të bëjnë me zbutjen e dëmit, por parandalimin e fjalës së lirë dhe se “procesi është ndëshkim”, duke u dhënë kritikuesve në internet një mënyrë efektive për ta keqtrajtuar atë.

Organet profesionale duhet të sigurojnë që praktikuesit të jenë kompetentë. Dhe të mos zbatojnë ortodoksitë politike ose të veprojnë si polici gjuhësore jashtë zyrës. Por kjo është tendenca në shoqatat mjekësore perëndimore dhe më gjerë. Shoqëria Juridike e Ontarios kishte shtyrë një zotim të detyrueshëm të diversitetit për të gjithë avokatët derisa një revoltë e anëtarëve mori bordin dhe hodhi poshtë premtimin në vitin 2019. Në atë kohë, një avokat i Ontarios kundërshtoi “misionin gjithnjë në zgjerim për të inxhinieruar nga ana shoqërore profesionin.” 

Tingëllon si një çështje e identitetit, egos dhe superegos. Ju mund të pyesni një psikolog për këtë.

Wall Street Journal, përshtati në shqip ©LAPSI.AL