Pas përfundimit të seminareve teorike e fizike me të gjithë arbitrat dhe asistentët e kampionatit ‘Abissnet Superiore’, Sektori i Arbitrimit në Federatën Shqiptare të Futbollit ka organizuar ceremoninë e ndarjes së stemave të FIFA-s për gjyqtarët meshkuj e femra për vitin 2023. Të pranishëm në këtë ceremoni ishin veç arbitrave e asistentëve edhe Presidenti i BASHF-së, Tahir Kastrati. Nuk mungoi edhe prezenca e instruktorit të UEFA-s, Costa Kapitanis.
Tre emra të rinj nga arbitrimi shqiptar janë pajisur me stemën e FIFA-s. Në fakt, Enea Jorgji e Juxhin Xhaja janë të pajisur prej vitesh me stemën e FIFA-s si arbitra kryesorë. Por këtë herë ata kanë edhe stemën e FIFA-s si Video Match Official (VAR). Dy emrave të rëndësishëm të arbitrimit shqiptar i është shtuar edhe emri i arbitrit Kreshnik Bajramaj.
Gjithashtu, Sektori i Arbitrimit në FSHF, bazuar edhe në performancën e arbitrave shqiptarë gjatë këtij sezoni futbollistik, ka ndarë dy çmime të tjera. Bëhet fjalë për arbitrin dhe asistentin e perspektivës për sezonin futbollistik 2021-2022. Florian Lata u përzgjodh si arbitër i perspektivës ndërsa Xhulio Mani u vlerësua si asistent i perspektivës.
ARBITRAT QË KANË MARRË STEMËN E FIFA-s
Kryesorë
Enea Jorgji, Juxhin Xhaja, Eldorjan Hamiti, Emanuela Rusta, Mirela Çemeri
Asistentë
Denis Rexha, Ridiger Çokaj, Rejdi Avdo, Dojando Myftari, Nertil Bregasi, Ilir Tartaraj, Koleta Prenga, Erinda Kume, Mirjeta Salla,
Edjena Kapxhiu
Video Match Official (VAR)
Enea Jorgji, Juxhin Xhaja, Kreshnik Bajramaj
Arbitër i Futsall
Arlind Subashi