Pas barazimit të hidhur të së shtunës mbrëma në Monza, Inter po përgatitet për debutimin e tyre sezonal në Kupën e Italisë si trofembajtës. Parma mbërrin nesër mbrëma në San Siro në një ndeshje të vlefshme për raundin e 1/8 të turneut. Një lajm i keq megjithatë vjen nga infermieria. Romelu Lukaku detyrohet të ndalojë sërish për shkak të një inflamacioni të lehtë të tendinave në gjurin e majtë.
Simone Inzaghi do të duhet të bëjë edhe pa Calhanoglu dhe Barella. Të dy lojtarët u larguan para kohe nga U-Power Stadium. Me një mesfushë tashmë pa Brozovic, trajneri zikaltër kryqëzon gishtat duke shpresuar se nuk ka dëmtime të rënda për dy lojtarët. Inzaghi ka besim t’i ketë të dy në dispozicion, përveç Lukaku, për ndeshjen e së shtunës në mbrëmje në San Siro kundër Veronës. E mbi të gjitha për derbin e Superkupës, të planifikuar pas nëntë ditësh, që vlen trofeun e parë të sezonit.
DËMTIME NË SERI TE INTER
E në shtëpinë zikaltër ndalon edhe Samir Handanovic. Portieri iu nënshtrua testeve klinike-instrumentale sot, në Institutin Humanitas në Rozzano. Ato evidentuan tendosje muskulore në shputën e këmbës së majtë. Gjendja e tij do të rivlerësohet në ditët në vijim. Kundër Parmës hapësirë për Kristjan Asllani si regjist, në vend të Calhanoglu dhe Gagliardini për Barella, siç ndodhi në ndeshjen kundër Monza.
Lexo më tej: Gabimi flagrant në Monza-Inter, arbitri Sacchi si… Serra: për të bëhet gati një pezullim i gjatë
Në Kupën e Italisë, Inzaghi do të përdorë një turn-over masiv. Sulmi në këtë pikë duhet t’i besohet dyshes argjentinase Lautaro-Correa. Lukaku kishte nevojë më shumë se kurrë për të vënë minuta në këmbë. Sidomos pas dëmtimit të gjatë. Por tani është i detyruar të ndalojë sërish. Sipas asaj që raportohet nga Gazzetta dello Sport, gjatë ndeshjes me Napolin Big Rom ka pësuar një inflamacion të lehtë të tendinës së gjurit.