• |
ide | kryesore

Vodhën banesat e zyrtarëve, Gjykata e Tiranës cakton masën e sigurisë për nënë e bir

-Instant, Lajme, Të fundit
Rozeta



Gjykata ka dhënë masën e sigurisë “arrest me burg” për nënë e bir, Rozeta dhe Havier Dobi. Ata akuzohen për vjedhjen e një shume prej rreth 500 mijë euro. 49-vjeçarja, e cila ishte punësuar si pastruese në këto banesa, së bashkë me djalin e saj, Havierin, kanë marrë në shtëpinë e zyrtares Alda Klosi 120 mijë euro dhe shuma të tjera në banesa të ndryshme.

Personi që e denoncoi ishte vetë Klosi, ish-zyrtare në kabinetin e ish-zv.kryeministrit Arben Ahmetaj. Pastruesja, sipas raportimeve të deritanishme, kishte hyrë në banesë me çelësin që i kishte lënë Klosi për ta pastruar dhe kishte vjedhur para në interval të ndryshme kohore. Ditën e fundit kishte hapur derën me forcë dhe kishte bërë rrëmujë në banesë, për të inskenuar një grabitje.

Gjithçka është zbuluar nga kamerat e sigurisë. Vetë ish-zyrtarja thotë se paratë i kishte ruajtur për të kuruar xhaxhain e saj. Sipas saj ai ishte me kancer dhe i shtruar në një spital në Shtetet e Bashkuara të Amerikës. Por edhe për të ka nisur një hetim. Ai do të zbulojë nëse Klosi thotë të vërtetën e nëse mund të justifikojë burimin e parave. Por Klosi nuk është “viktima” e vetme. Nënë e bir akuzohen edhe nga 4 persona të tjerë se i kanë vjedhur. Pas shumës së 120 mijë eurove, në shtëpinë Dobi, në tubin e aspiratorit janë gjetur edhe mbi 400 mijë euro të tjera.



1 Comment

  1. [.,..Vetë ish-zyrtarja thotë se paratë i kishte ruajtur për të kuruar xhaxhain e saj….]

    Po, breshkat fluturojnë dhe kuajt pijnë cigare … Mos na merr gjë për leshko kjo e pafytyra e PS ?!! Duhet të marri shembullin e shoqes tjetër, e vodhën dhe e kyçi gojën, se e dinte lojën.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *