Stuhi polemikash në Francë mbi presidentin e Federatës së Futbollit Noel Le Graet. Pas çështjes Zidane, ai tani akuzohet për ngacmim sek*ual nga një menaxhere, e cila zbuloi se kishte pësuar qasje të padëshiruara nga viti 2013 deri në vitin 2017. “Më ftoi në banesën e tij, kur mbërrita atje kishte hapur shampanjën. “U habita mjaft por qëndrova. Folëm për futbollin e femrave, pastaj më tha qartë se po të ishim më afër, do të realizoheshin idetë e mia. Në ato 4 vite presidenti i Federatës flirtonte me mua çdo koha – denoncoi tek Equipe Sonia Souid -. Më kërkonte të takoheshim, më ftonte në shtëpinë e tij. Nuk e di sa herë ndodhi. E vetmja gjë që donte ishte që të ndanim shtratin. Ai më shihte vetëm si ‘dy gjinj dhe një fundshpinë’. Psikologjikisht ishte shumë e vështirë dhe u zhgënjeva. Presidenti im duhet të ishte shembullor dhe ai nuk ishte. Dorëheqje? Ai është një person shumë i sigurt në vetvete, beson se çdo gjë i lejohet. Kur e dëgjojmë duke folur, vërtet kemi përshtypjen se ai është mbreti. E se Federata Franceze e Futbollit është mbretëria e tij. Ai ndihet i paprekshëm”.
HETIMI I HAPUR DHE REAGIMI I MINISTRES SË SPORTIT
Ministrja franceze e sportit, Amélie Oudéa-Castéra, ka reaguar ndaj intervistës në rrjetet sociale, duke njoftuar hapjen e një hetimi. “Bravo Sonia Souid për guximin e dëshmisë tënde – shkroi ajo në Twitter -. Kontrollet tona do të jenë të përpikta. Shihemi së shpejti”.
Bravo Sonia Souid pour le courage de votre témoignage.
Notre audit en sera digne.
A très bientôt. https://t.co/01C4lU7eP2— Amélie Oudéa-Castéra (@AOC1978) January 10, 2023
Nuk është vërtet një moment i mirë për Le Graet, i cili vetëm dy ditë më parë rezervoi fjalë jo të buta për Zinedine Zidane. Pikërisht kjo shkaktoi reagimin popullor dhe të kampionëve të kalibrit të Mbappe dhe Ribery. Një stuhi që u mundua ta rregullonte me një ndjesë të vonuar. Tani vjen kjo ngjarje e re e nxehtë. Një akuzë shumë e rëndë që mund t’i kushtojë punën dhe karrierën.