Domenico Criscito u bë zyrtarisht sërish lojtar i Genoas më 2 janar. Mbrojtësi 36-vjeçar u kthye në qytet në vjeshtë, pas ndërprerjes së kontratës me Montreal. Kështu, për të ndihmuar kuqeblutë, ai ka nënshkruar një kontratë deri në qershor. Një akord në minimumin e përcaktuar nga rregulloret federale: 2274.16 euro neto në muaj. Një zgjedhje e diktuar nga dashuria për klubin Grifone dhe dëshira për t’u rehabilituar pas rënies së hidhur nga kategoria të sezonit të kaluar. Criscito ndihet përgjegjës në atë rast, për penalltinë e gabuar në kohën shtesë, në derbin kundër Sampdorias. Debutimi i tij me fanellën kuqeblu do ta bëhet nesër, në Coppa Italia, kundër Romës.
Pas periudhës së tij te Montreal, Criscito do të bëjë debutimin e tij edhe njëherë për Genoa në Coppa Italia. Në fushë menjëherë kundër skuadrës së Mourinho, në një sfidë të vështirë. Këtë e bëri të ditur trajneri Alberto Gilardino në konferencën për shtyp: “Ai ka punuar dhe po punon si të gjithë djemtë. Nëse është mundësia për t’i dhënë minuta gjatë lojës, absolutisht po. Ai është vënë në dispozicion dhe është një vlerë e shtuar”.
Lexo më tej: Përd*unim në grup i një studente: ish-lojtari i Genoas, Portanova, dënohet me 6 vjet burg
Në qershor, sapo të përfundojë sezoni, Criscito do të fillojë karrierën e tij si trajner në ekipin e të rinjve kuqeblu. Pikërisht në atë sektor në të cilin ka shkelur për herë të parë në vitin 2002. Një lidhje dashurie, ajo me Genoa, e destinuar të vazhdojë për një kohë të gjatë, edhe pse në një rol krejtësisht të ri.