• |
ide | kryesore

Zëdhënësja ruse: Kurti dhe Zelensky janë nazistë

-Instant, Arkiva, Lajme, Të fundit
zëdhënësja



Zëdhënësja e Ministrisë së Punëve të Jashtme të Rusisë, Maria Zakharova, ka thënë se kryeministri i Kosovës, Albin Kurti, dhe presidenti i Ukrainës, Volodymyr Zelensky, janë nazistë. Në një opinion të publikuar në Telegram, Zakharova shkruan se Kurti dhe Zelensky vetëm pretendojnë se e kundërshtojnë etiketimin si neonazistë, por së shpejti do ta pranojnë këtë edhe pse kanë mbështetjen e SHBA-së dhe BE-së. Zakharova përmend idenë e Ministrisë së Kulturës në Kosovë për të rinovuar shtëpinë e dikurshme të Xhafer Devës.

“Autoritetet aktuale në Kosovë, një territor separatist, vendosën të përjetësojnë kujtimin e Xhafer Devës në sfondin e një përshkallëzimi midis Prishtinës dhe Beogradit. Prishtina është e gatshme të shpenzojë 300 mijë euro për të restauruar një ndërtesë të vogël trekatëshe ku ky bashkëpunëtor nazist dhe kriminel lufte ka jetuar gjatë okupimit. Kjo po ndodh pavarësisht protestave të shprehura nga shoqatat hebraike, madje edhe nga ambasadori gjerman. Megjithatë, Prishtinës nuk mund t’i kushtohej vëmendje, dhe patronët e saj – Shtetet e Bashkuara, Britania e Madhe dhe BE-ja, kanë heshtur.

Nuk është se janë në siklet; ata në fakt janë shumë të lumtur. Në fund të fundit, të gjithë ata Kurti, Zelensky dhe të tjerë që pëlqejnë t’i këndojnë lavdi Ukrainës, vetëm pretendojnë se kundërshtojnë etiketimin si neonazistë. Unë mendoj se së shpejti do të thonë: “Po, ne jemi nazistë”, por çfarë mund të bëni nëse BE-ja na sponsorizon ndërsa Shtetet e Bashkuara na furnizojnë me armë?”, – shkruan Zakharova cituar nga Koha Ditore



9 Comments

  1. Këta rusët me të vërtetë qekan të gjithë të sëmurë nga trutë.Necdo kundërshtar shofin nga një nazist.Te gjithë udhëheqësit perëndimorë pra të demokracive që kanë vuajtur nazizmin quhen të tillë.A mund ti cilësojmë rusët të sëmurë psiqik.Besoj se po.Ata në Ukrainë ja kanë kaluar dhe Hitlerit vetë.

  2. Ruset e etiketuan Kurtin nazist, ne Tirane qarqe te caktuara e quajne Enverist, historia na ka faktuar se Kurti eshte keqtrajtuar burgosur nga komunistet Serb, fatkeqesi qe politika Ruse ka rene ne nivele te tilla barbara, te kujtojne nje perzjerje te mendesise Cariste e Bolsheviste

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *