Nottingham Forest dhe Wolverhampton u ndeshën në çerekfinalet e Carabao Cup. Ndeshja, intensive dhe e ekuilibruar, përfundoi 1-1 pas kohëve shtesë. Me penallti Nottingham Forest mposhti kundërshtarët e tij, duke u kualifikuar. Në gjysmëfinale Forest do të përballet me Manchester United. Pikërisht në fund të penalltive, një episod i shëmtuar njollosi ndeshjen. Protagonist ishte Morgan Gibbs-White, një ish-lojtar i Wolverhampton, tashmë në ekipin e Nottingham. Lojtari anglez ishte bërë viral në rrjetet sociale edhe pak ditë më parë. Shkak u bë një video e postuar nga e dashura e tij, ku futbollisti u tall se nuk zgjidhte dot kubin e Rubik.
GIBBS-WHITE FESTOI KUNDËR ISH-SKUADRËS
Këtë herë, megjithatë, ai ishte protagonist i një episodi të një niveli krejt tjetër. Mesfushori 22 vjeçar bëri goditjen e tij nga pika e bardhë dhe pasi shënoi, në vend që të përmbahej, doli para sektorit të ish-tifozëve të Wolverhampton dhe festoi duke mbyllur veshët me gishta. Tifozët e Wolves, u inatosën dhe e mbuluan lojtarin me ofendime.
Gibbs-White reagisce così davanti ai suoi ex tifosi. La reazione di alcuni di loro è anche tutto sommato contenuta.
Speriamo qualche fotografo abbia immortalato questo momento. pic.twitter.com/sIr732WcLm
— Il Calcio Inglese (@calcioinglese) January 11, 2023
Por episodi nuk u kufizua vetëm në këtë gjest. Edhe shokët e tjerë të skuadrës së Gibbs-White e imituan. Mbi të gjitha portieri Henderson, i cili priti dy penallti të lojtarëve kundërshtarë.
NË FUND TË NDESHJES PLASI SHERRI
Pas kualifikimit të Nottingham Forest, në fushë ka nisur sherri. Lojtarët e Wolverhampton nuk i pritën mirë festimet e kundërshtarëve dhe sulmuan lojtarët me fanellën e kuqe. U desh ndërhyrja e stjuardëve të stadiumit, të cilët së bashku me anëtarët e të dy pankinave, larguan lojtarët e dy skuadrave dhe rikthyen qetësinë.
Kicking off. Toti and Gibbs-White. #Wolves pic.twitter.com/L6zphUbND2
— Jay (@jamiewalters23) January 11, 2023