• |
ide | kryesore

FIFA hap hetimin mbi festimet e turpshme të Argjentinës pas finales në Katar: ja për çfarë akuzohen

-Instant, Sport
FIFA



FIFA ka hapur procedurat disiplinore kundër Federatës Argjentinase të Futbollit për sjellje të pahijshme nga lojtarët e saj. Akuzat janë për shkelje të lojës së ndershme gjatë finales së Kupës së Botës. FIFA citoi rregulloret e saj të medias dhe marketingut për të ndjekur çështjen. Në këtë pikë ata duket se i referohet festimeve të zhurmshme nga lojtarët në zonën e intervistës pas finales së 18 dhjetorit. Në atë sfidë, Argjentina mundi Francën me penallti pas një barazimi emocionues 3-3 në 120 minuta në stadiumin Lusail.

Lojtarët amerikano-jugore, pas ceremonisë së medaljes, vrapuan dhe kënduan nëpër zonën e intervistave zyrtare. Ata dëmtuan muret delikate ndarëse pa u ndalur për të folur me median. FIFA nuk ka dhënë një kalendar për çështjen disiplinore të Argjentinës.

Lexo më tej: Gjestet e shëmtuara të portierit nuk i kanë pëlqyer askujt, Souness: “Martinez një klloun banal”

Në raste të tjera, FIFA ka vendosur vetëm gjoba ndaj federatave të Serbisë, Meksikës dhe Ekuadorit. Ata në fakt akuzoheshin për akte diskriminimi të tifozëve gjatë Kupës së Botës. Në veçanti, Serbia u gjobit me 50,000 franga zvicerane (54,000 dollarë) për thirrjet fyese nga tifozët e saj gjatë humbjes 3-2 kundër Zvicrës. Kjo sepse helvetët kishin lojtarë me origjinë kosovare si Granit Xhaka e Xherdan Shaqiri. Serbët u penalizuan edhe për sjellje të pahijshme të ekipit, me shtatë lojtarë që morën kartonë të verdhë.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *