Një 37 vjeçar është arrestuar ditën e sotme nga policia pasi ka tentuar të transportonte 11 emigrantë nga Shqipëria drejt Greqisë.
Bëhet fjalë për shtetasin F.M, i cili ishte shpallur në kërkim nga shteti shqiptar si organizator i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit.
Ky shtetas u gjurmua dhe u kap nga policia në një fugon së bashku me një shtetas tjetër duke transportuar emigrantë të cilët vinin nga Lindja e Mesme dhe Afrika.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
Njoftim policie
Në vijim të operacionit “Road Guard 17”, kapet dhe ndalohet një shtetas i shpallur në kërkim, si organizator i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit.
Seksioni për Hetimin e Trafiqeve të Paligjshme dhe Narkotikëve në DVP Gjirokastër, në bashkëpunim me Komisariatin e Policisë Nr. 5, Tiranë, në vijim të punës për kapjen e personave, të cilët janë të implikuar në veprimtarinë kriminale të dhënies ndihmë shtetasve të huaj, për kalim të paligjshëm të kufirit, kundrejt fitimit, falë punës intensive dhe profesionale, si dhe duke u mbështetur në inteligjencën informative, kanë kapur dhe ndaluar shtetasin F. M., 37 vjeç, banues në Fushë Krujë, pasi Gjykata e Rrethit Gjyqësor Gjirokastër, me vendimin e datës 20.10.2022, i ka caktuar masën e sigurisë “Arrest në burg”.
Gjatë operacionit policor “Road Guard 17”, i zhvilluar në datën 01.05.2022, u arrestuan në flagrancë 2 shtetas, të cilët u kapën në aksin rrugor Gjirokastër-Kakavije, duke transportuar me automjetin tip furgon, 11 emigrantë të paligjshëm nga vendet MENA. Nga veprimet hetimore ka rezultuar se shtetasi F. M. ka qenë organizatori i kësaj veprimtarie kriminale.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.