U treguan “më të shpejtë” se ai, mashtruesit që lehtësuan llogaritë bankare të Usain Bolt. Ish-sprinterit xhamajkan që mbante rekordin botëror në 100 m, 200 m dhe stafetë 4×100 m, po përballet me një problem të pamenduar. 8 herë fituesi i medaljes së artë olimpike dhe 11 herë fituesi i medaljes së artë botërore ishte viktimë e një mashtrimi milioner. Disa milionë dollarë të grumbulluara ndër vite në fakt janë zhdukur brenda natës, në një vjedhje të bujshme ndaj tij. Një hetim është hapur dhe tashmë ka një të dyshuar.
Kjo u zbulua nga menaxheri i tij Nugent Ëalker, i cili i tha gazetës xhamajkane The Gleaner gjithçka. Po flasim, për të qenë të saktë, për disa milionë dollarë të investuara në një fond xhamajkan dhe tani të zhdukur. Një hetim është hapur nga Komisioni i Shërbimeve Financiare të Xhamajkës. Tashmë ka edhe një të dyshuar: një punonjës i kompanisë së investimeve. Bolt, në fakt, kishte vënë re se diçka nuk shkonte me shumat e investuara në SSL, Stocks and Securities Limited. Një kompani financiare që menaxhon asetet e klientëve të pasur. “Usain ka qenë me ta për dhjetë vjet, tani i gjithë portofoli është zbrazur”, tha menaxheri për mediat.
Ish-ylli i sportit, tani 36-vjeç, ka humbur pjesën më të madhe të fitimeve të tij, por… sidoqoftë ai nuk është trokë. Në fakt, pasi u tërhoq nga garat në vitin 2017, Bolt u hodh në botën e sipërmarrjes dhe biznesit të sponsorizimit. Sot ai zotëron një kompani brisqesh elektrike, një kompani skuterash elektrike dhe një zinxhir restorantesh. Që nga viti 2022, ai u kreditua me një pasuri prej nëntëdhjetë milionë dollarësh.