Chelsea në këtë periudhë ka vetëm një siguri, bëjnë çfarë duan në merkato, sado keq të shkojnë në fushë. Goditja e fundit e Blues quhet Mudryk. Anësori ofensiv 22-vjeçar është talenti më i madh i futbollit ukrainas dhe shumë e mendojnë Topin e Artë të ardhshëm. Arsenal e kishte vendosur lojtarin në krye të listës së tyre dhe po negocionte me Shakhtar në dy javët e fundit. Pastaj erdhi Chelsea, duke vënë në tavolinë 70 milionë euro menjëherë plus 30 bonuse të arritshme. Ajo që Shakhtar po kërkonte: marrëveshja e përfunduar.
MUDRYK
Ukrainasi i tha po një kontrate që do ta mbajë në Londër deri në vitin 2030. Ai u largua menjëherë nga grumbullimi i ukrainasve në Turqi, për të fluturuar drejt kryeqytetit anglez për vizitat mjekësore. Arsenal, sapo e kuptoi se dëmtimi i Gabriel Jesus në Kupën e Botës do ta mbante gjatë larg fushës, u interesua për Mudryk. 22 vjecari kishte filluar të ëndërronte jetën e tij në Premier League dhe kishte filluar t’i kërkonte klubit të ulte kërkesat e tyre. Ai donte të shkonte te Arsenali, i cili fillimisht kishte ofruar 50 milionë. Gunners pastaj u rritur gradualisht në 90, përfshirë bonuset. Shakhtar kishte vendosur çmimin në 100 milionë dhe rezistoi, duke hedhur poshtë propozimet e Gunners. Arsenal ishte aq optimist se kishte në dorë Mudryk, saqë kishin filluar të imagjinonin debutimin e tij të dielën e ardhshme në Emirates kundër United. Pastaj erdhi Chelsea dhe gjithçka ndryshoi shpejt.
CHELSEA
Blues ishin takuar me drejtuesit e Shakhtar javën e kaluar në Londër, duke shprehur interesim për lojtarin. Më pas ata u kthyen te João Felix, i huazuar nga Atletico Madrid për 11 milionë. Kartoni i kuq i portugezit në debutimin e tij në Premier League dhe skualifikimi automatik për 3 javë rihapi problemet në sulm. Kështu Chelsea rihapi bisedimet për Mudryk. Blitz në Turqi dhe marrëveshje e arritur sipas kushteve të Shakhtar. Mudryk shkëlqeu në Champions League. Ai është i ri dhe plot talent, shembulli i përsosur i një lojtari që klubi dëshiron në epokën e re. Blues me Potter ka fituar vetëm një nga 9 ndeshjet e tij të fundit në Premier League. Mudryk është tashmë nënshkrimi i pestë i janarit i Chelsea dhe më i shtrenjti. Fatura totale është një hap larg nga 200 milionë euro. Një shumë që konfirmon se blutë bëjnë atë që duan në merkato. Në pritje për të zbritur përsëri në fushë.