Khvicha Kvaratskhelia ishte në vëmendjen e Juventus në vitin 2021. E megjithatë, si ka ndodhur jo rrallë herë, klubi bardhezi preferoi të tërhiqej përpara kërkesës së Rubin Kazan. Një çmim që natyrisht ishte shumë herë më i ulët, nga ai që gjeorgjiani ka aktualisht, pas një impakti spektakolar në Serie A. E klubi i Rubin Kazan ka përfituar nga rasti t’i vendosë gishtin në plagë torinezëve.
Lexo më tej: ‘Manita’ e parë pas 30 vjetësh: herën e fundit që Juventus pësoi 5 gola i ka shënuar pikërisht Allegri
Pas paraqitjes së shkëlqyer të gjeorgjianit të premten në Maradona, klubi rus u tall këndshëm me bardhezinjtë në Tik Tok. Ata publikuan golin e 2-0 provizor, me dedikimin. “Në vitin 2021, ishin shumë 20 milionë për Kvaratskhelia?”. Një pyetje, që me siguri bardhezinjtë ia kanë bërë edhe vetes, kur shohin Kvaratskhelia të dominojë fushat e Serie A.
VIDEO
Rubin Kazan’s official TikTok account pic.twitter.com/FcKwUcDGTC
— Khaled Al Nouss (@khaledalnouss1) January 15, 2023