I dërguari i posaçëm i BE-së për dialogun Kosovë-Serbi, Miroslav Lajçak, sot në Davos të Zvicrës, ka zhvilluar një takim me kryeministrin e Albin Kurti. Lajçak ka bërë të ditur se me Kurtin kanë diskutuar për hapat e ardhshëm në dialog për normalizimin e marrëdhënieve dhe çështjet aktuale.
“Ne folëm për hapat e ardhshëm në dialog për normalizimin e marrëdhënieve dhe çështjet aktuale.”, shkroi Lajçak në Twitter. Miroslav Lajçak pritet që më 20 janar të vizitojë Kosovën dhe më pas edhe Serbinë për vazhdimin e dialogut në nivel të lartë në Bruksel.