Lady Gaga ka mbështetur së fundmi publikisht, Taylor Swift pas një video të saj për çrregullimin e të ngrënit.
“Është vërtet e guximshme gjithçka që the,” komentoi këngëtarja në TikTok. Në klip, Swift tregoi se si ajo zhvilloi “gradualisht” një çrregullim të të ngrënit pasi u bë e famshme në një moshë kaq të re.
“Jam shumë më e lumtur me këtë që jam… Nuk më intereson nëse dikush më thotë se kam shtuar peshë, është diçka që e bën jetën time më të mirë”, tha ajo. Në gjendjen e saj më të dobët, Taylor zbuloi se “nuk po hante” dhe “ushtrohej shumë” për t’u përshtatur me standardet e bukurisë – por më vonë e kuptoi se ishte “e pamundur”.“Gjithmonë ekziston një standard bukurie që nuk e plotëson, sepse nëse je mjaft i hollë, atëherë nuk e ke atë – që të gjithë dëshirojnë. Por nëse shtoni peshë atëherë stomaku juaj nuk është mjaft i sheshtë. Gjithçka është thjesht e pamundur.”
Nga ana tjetër dhe Gaga, ka luftuar me buliminë dhe anoreksinë. Në vitin 2012, këngëtarja e “Born This Way” foli në një konferencë të quajtur “It’s Our Turn” dhe ndau historinë e saj pasi një vajzë e re në audiencë zbuloi se po luftonte me një çrregullim të të ngrënit.
“Në shkollën e mesme bëja gjilpëra gjatë gjithë kohës,” u shpreh Lady. “Është vërtet e vështirë, por duhet të flasësh me dikë për këtë.” Ajo vazhdoi, “Pesha është ende një luftë. Çdo video në të cilën jam, çdo kopertinë reviste, të shtrijnë – të bëjnë të përsosur. Nuk është jeta reale… Unë do të them këtë për vajzat: Luftërat e dietës duhet të ndalen. Kjo po i sëmur vajzat.”/Lapsi.al