Bëhet gjithnjë e më e rëndë situata për Dani Alves. Braziliani vazhdin të jetë i burgosur në Barcelonë, pas denoncimit për përdhunim të paraqitur nga një vajzë 23-vjeçare. Sipas asaj që raportohet nga gazeta spanjolle El Mundo, versioni i ish-mbrojtësit të Barcelonës është përgënjeshtruar nga kamerat e lokalit. E sikur të mos mjaftonte, edhe nga dëshmia e viktimës së dyshuar të dhunës. Vajza foli për më shumë se një orë e gjysmë me hetuesit. Rrëfimi dramatik ishte shumë i detajuar. E është pikërisht një nga këto detaje që ka përkeqësuar pozicionin e Alves. “Ai ka një gjysmëhënë tatuazh në pubis”, tha ajo, duke hedhur poshtë versionin e parë të Alves. 39 vjecari pretendonte se nuk e kishte njohur kurrë vajzën. Më pas ai korrigjoi shënjestrën, duke pranuar se kishte pasur një marrëdhënie seksuale konsensuale. Por ky ndryshim i versionit nuk e ka bindur gjykatësin që ka urdhëruar dënimin me burg pas arrestimit.
Sipas Diario Nius, hetuesit kishin marrë denoncimin e vajzës, dëshmi të ndryshme dhe pamjet nga kamerat e vëzhgimit të klubit të natës. Të gjitha këto hetime ata i mbajtën të fshehura nga futbollisti. Braziliani ndërkohë u kthye në Meksikë për të luajtur me Pumas pas Vitit të Ri të kaluar në Barcelonë. Të fortë në faktin se familja e Dani Alves kishte ende rezidencën e tyre në Spanjë, ata prisnin që herët a vonë ai të kthehej. Dhe kështu ndodhi. Kthimi i tij u përshpejtua nga gjendja e keqe shëndetësore e vjehrrës së tij, e cila u nda nga jeta më 12 janar. I shoqëruar në komisariat, mbrojtësi i krahut dha disa versione kontradiktore dhe, për këtë arsye, gjykatësi aprovoi arrestimin dhe vendosi dënimin me burg. Tani, sipas ligjit spanjoll, Dani Alves përballet me deri në 12 vjet burg.