Daje mister, forza Roma!”. Një urim që kuptohet nga të gjithë, e që Roma ka dashur ta bëjë për të celebruar 60-vjetorin e José Mourinho. Klubi verdhekuq e ka bërë përmes një postim në Tëitter në një mënyrë speciale. Roma ka zgjedhur të publikojë në një video, gjithë historinë e aventurës së Special One. Momente që prekin nga momenti kur ai mbërriti në pankinën verdhekuqe në verën e 2021 deri në triumfin e Tiranës në Conference League. Nuk mund të mungonte Paulo Dybala, kampioni argjentinas shumë i dëshiruar nga trajneri portugez.
“60 vite e thjesht nuk i ndjen. Josè Mourinho feston një nga ditëlindjet më të rëndësishme të jetës së tij, si trajner i Romës. Ne festojmë bashkë me trajnerin verdhekuq me një seri fotosh ikonike të përvojës së tij verdhekuqe, duke filluar me ardhjen e tij në Romë. Urimet më të mira, mister!”.
Lexo më tej: Mourinho i thotë ‘jo’ Portugalisë: e ardhmja në verë, por vetëm me dëmshpërblim
Nga fotoja e parë, me njoftimin e Romës për ardhjen e tij (“Gjithçka nis kështu. Jemi të sigurt që do ta mbani mend gjithmonë atë që po bënit pikërisht në momentin kur morët lajmin. E nuk do ta harroni kurrë reagimin tuaj”), deri te Spezia -Roma, fitorja e fundit në rend kronologjik. Një 2-0 pa apel për ligurët. Mënyra më e mirë për të mbyllur fazën e parë. Roma në zonën e Champions League dhe me horizontin drejt të ardhmes. Me faqe të tjera ende për t’u shkruar!”.
𝙏𝘼𝙉𝙏𝙄 𝘼𝙐𝙂𝙐𝙍𝙄 𝙅𝙈! 🙌
Oggi José Mourinho compie 60 anni 🎂
DAJE MISTER, FORZA ROMA! 🟡🔴#ASRoma pic.twitter.com/UrbpukPWIc
— AS Roma (@OfficialASRoma) January 26, 2023