Pesë persona janë arrestuar në Tiranë pasi ushtronin aktivitetin e paligjshëm të lojërave të fatit. Ata janë kapur në flagrancë, në një lokal në rrugën “Irfan Tomini” dhe në bulevardin “Gjergj Fishta”. Nga operacioni policor i koduar “Game over” janë arrestuar E. R., 27 vjeç, A. Z., 23 vjeç, R. K., 38 vjeç, G. M., 20 vjeç dhe U. H., 20 vjeç.
Në cilësinë e provës materiale janë sekuestruar 7 kompjuterë, rreth 970 000 lekë dhe 160 euro. Materialet i kaluan Prokurorisë, për veprime të mëtejshme.