• |
ide | kryesore

Mourinho festoi ditëlindjen, Spalletti e ngacmon: “U ndjeva keq, do t’i kisha bërë një dhuratë”

-Instant, F1, Sport
Spalletti


Në mbrëmje, në stadiumin Diego Armando Maradona, do të zhvillohet ndeshja mes Napolit të Spalletti dhe Romës së Mourinho, e vlefshme për javën e 20 të Serie A. Dy skuadrat inaugurojnë kështu ndeshjen e parë të fazës së dytë. Një takim i rëndësishëm për napolitanët, të parët në renditje me 50 pikë. Spalleti shpreson që ekipi i tij të shkëputet edhe më tej ndaj ndjekësve. Në anën tjetër, verdhekuqtë janë në garë të plotë për vendin e katërt. Një sfidë që përveç 22 lojtarëve në fushë, përball edhe dy trajnerë me karakter sanguin. E mes tyre shigjetimet nuk mungojnë.

Luciano Spalletti foli në konferencën për shtyp dhe prezantoi ndeshjen e planifikuar për në orën 20:45: “Kemi përballë një ekip me lojtarë cilësorë dhe me një trajner ekspert dhe pragmatist. Ne e dimë se sa të rrezikshëm janë ata në goditje standarde. Duhet të jemi të kujdesshëm duke ruajtur ekuilibrin dhe duke luajtur me rregull”.

Lexo më tej: Video/ Spalletti ndjek për metra të tërë Allegrin për një shtrëngim dore: episodi bëhet viral

SPALLETTI PËR MOURINHO: “U NDJEVA KEQ”

Gjatë konferencës për shtyp, trajneri i Napolit më pas tha se ishte i zhgënjyer nga José Mourinho: “I uroj atij ditëlindjen. Por ai nuk më ftoi në festën e tij. Isha i zhgënjyer, do kisha shkuar me një dhuratë, ai është një nga ata që ngre nivelin e futbollit global”.

Në përfundim, një konsideratë për pikët që duhen për të fituar titullin: “Nuk e di sa pikë duhen, është një llogaritje që nuk e bëj dot, nuk kam qenë i mirë në matematikë. Mund të bëj vetëm llogaritje të thjeshta, nëse fitojmë nesër do të shkojmë në 53″. Kështu ka deklaruar Luciano Spalletti në prag të një ndeshje që premton të jetë spektakolare. Napoli, pas dënimit të Juventus, kërkon të mbyllë sa më shpejt cështjen e titullit, ku hipotekën pothuaj e ka vendosur.


Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *