Kohë të vështira për Antonio Conte. Tekniku italian duhet t’i nënshtrohet një operacioni kirurgjikal. Njoftimin e ka dhënë klubi i Tottenham në kanalet e tij sociale. Klubi anglez sqaron se trajneri italian vuan nga dhimbje të forta abdominale. I pashmangshëm operacioni për të hequr fshikëzën e tëmthit: “Pas një diagnoze të ekspertit – lexohet në komunikatë – sot Antonio Conte do t’i nënshtrohet një operacioni. Ai do të heqë fshikëzën e tëmthit dhe do të kthehet pas një periudhe rikuperimi. I gjithë klubi i uron shërim të shpejtë”.
Lexo më tej: Miqtë e humbur, gruaja e vajza larg e shumë pikëpyetje, rrëfehet Conte: “Po reflektoj për të ardhmen”
Nuk është ende e qartë se kur Conte do të mund të ulet sërish në pankinë. E sigurtë është se tekniku do të humbasë takimin prestigjioz kundër Manchester City. Spurs do të luajnë në shtëpi kundër të besuarve të Guardiolës, ndeshje e planifikuar për të dielën. Kane dhe shokët e tij do të kenë më shumë motivim për të kërkuar një fitore që do të ishte thelbësore për sa i përket kualifikimit në Ligën e Kampionëve. Vendi i katërt është aktualisht vetëm tre pikë larg, por Newcastle dhe Manchester United kanë luajtur një ndeshje më pak.
Antonio Conte recently became unwell with severe abdominal pain.
Following a diagnosis of cholecystitis, he will be undergoing surgery to remove his gallbladder today and will return following a period of recuperation.
Everyone at the Club wishes him well 💙 pic.twitter.com/h91LfV8lD9
— Tottenham Hotspur (@SpursOfficial) February 1, 2023