Demokratët kërkojnë nga FBI të thellohet në hetimin e Charles McGonigal

Përfaqësuesi më i lartë i demokratëve në Komitetin Gjyqësor të Senatit kërkon më shumë informacion në lidhje me hetimet ndaj ish-kreut të zyrës së FBI-së në Nju Jork, Charles McGonigal.

McGonigal, i cili ishte agjenti special i ngarkuar me kundërzbulimin në zyrën e FBI-së në Nju Jork, u arrestua muajin e kaluar për lidhjet e tij të dyshuara me Oleg Deripaska, një miliarder rus i cili është sanksionuar nga Shtetet e Bashkuara dhe është akuzuar penalisht vitin e kaluar për shkeljen e atyre sanksionet.

“Këto akuza janë jashtëzakonisht shqetësuese dhe ngrenë shqetësime në lidhje me ndikimin e mundshëm që kjo sjellje negative mund të ketë pasur në çështjet e kundërzbulimit të FBI-së dhe hetimet penale,” i shkruan Senatori Dick Durbin, një demokrat nga Illinois, drejtorit të FBI-së Christopher Wray dhe Prokurorit të Përgjithshëm Merrick Garland. “Si agjent special për Zyrën e Fushës së Nju Jorkut, zoti McGonigal mbikqyri shumë hetime të ndjeshme kundërzbulimi, duke përfshirë hetime që përfshinin individë që ai tani është akuzuar se ka punuar për të përfituar.”

Durbin thekson se zyrtarët amerikanë kanë thënë se Deripaska ishte një bashkëpunëtor i ngushtë i ish-kryetarit të fushatës Trump, Paul Manafort dhe gjithashtu në listën e sanksioneve të SHBA.

Duke vënë në dukje akt-akuzën sipas së cilës McGonigal fshehu marrjen e 225,000 dollarëve nga një ish-punonjës i agjencisë së inteligjencës shqiptare, Durbin shkruan, “Të dyja aktakuzat përfshijnë sjelljen e supozuar që ndodhi ndërsa zoti McGonigal shërbente si Agjent Special i ngarkuar (SAC) i Divizionit të Kundërzbulimit të FBI-së. Zyra e Fushës së Nju Jorkut nga viti 2016 në 2018 dhe pas daljes në pension të tij”.

Durbin dëshiron të dijë nëse ndonjë hetim është ndikuar dhe sa hetime janë komprometuar potencialisht.

Durbin kërkon një përgjigje deri më 15 shkurt.

“Sjellja e pahijshme e supozuar e zotit McGonigal mund të ketë ndikuar në këto çështje shumë të ndjeshme, duke përfshirë nëse ai ka kompromentuar burime, metoda dhe analiza të ndjeshme,” shkruan Durbin. “Nëse sjellja e tij e supozuar e pahijshme ndikoi materialisht në rezultatin e ndonjë hetimi apo kompromentoi më tej sigurinë tonë kombëtare, gjithashtu mbetet e panjohur për momentin”.

Më parë, drejtori i FBI-së, Christopher Wray tha se veprimet e McGonigal nuk përfaqësojnë agjencinë e tij.

McGonigal, i cili doli në pension nga FBI në 2018, është deklaruar i pafajshëm për aktakuzën me katër pika të zbuluara të hënën në Manhattan./abcnews.go.com