Mbrëmjen e djeshme Monza organizoi një darkë për të gjithë ekipin. Një lloj çmimi për rezultatet e shkëlqyera të arritura deri më tani nga skuadra e teknikut Palladino. Monza, në fakt, aktualisht është në vendin e 11 në Serie A larg rrezikut të rënies. Të pranishëm ishin të gjithë lojtarët, trajneri dhe stafi i tij dhe mbi të gjitha drejtuesit e presidenti Silvio Berlusconi. Ish-pronari i Milan ka dashur të urojë ekipin, duke shprehur ambiciet e tij për të ardhmen.
Gjatë mbrëmjes, Silvio Berlusconi ka dashur t’i dërgojë një mesazh të gjithë ekipit: “Që kur erdhi trajneri Palladino, Monza ka bërë gjëra të mëdha. Sot do të ishim të pestat në renditje së bashku me Milanin”. Besim maksimal te projekti: “Ne besojmë në këtë grup dhe në objektivat tona. Duam ta bëjmë këtë realitet edhe më të rëndësishëm”.
Gjatë fjalës së tij, Silvio Berlusconi e la veten të përfshihet nga entuziazmi: “Mund ta themi, duam të fitojmë titullin vitin e ardhshëm dhe atë pas tij”. Më pas, pronari i Monzas ka folur për përpjekjet e klubit: “Kemi investuar shumë në këtë projekt. Kemi blerë lojtarë të rinj dhe kemi përmirësuar ndjeshëm terrenin tonë të stërvitjes. Sot Monzello është qendra sportive më e madhe dhe më e bukur në Serie A“.