Tottenham fitoi dje 1-0 ndaj Manchester City falë golit të Kane. Antonio Conte, mungonte për një operacion në tëmth, e telefonoi dhe e komplimentoi me ‘vivavoce’. Goli i 200 i Harry Kane në Premier League i dha Spurs një fitore të rëndësishme kundër Manchester City të Guardiolës. Skuadra e Londrës Veriore dëshmon edhe një herë të jetë macja e zezë e Pep, që ka humbur 5 ndeshjet e fundit në shtëpinë e Tottenham. Kështu skuadra e trajnerit italian kalon në vetëm një pikë nga Newcastle i vendit të katërt.
Një gëzim i madh edhe për Antonio Conte, që megjithatë nuk mundi ta ndiqte ndeshjen nga pankina. Trajneri italian ndodhet në Itali pas një operacioni që iu nënshtrua për heqjen e fshikëzës së tëmthit. Megjithatë, trajneri donte të bënte të ndjehej prania e tij në dhomat e zhveshjes dhe telefonoi kapitenin Kane pas ndeshjes. Trajneri i ofroi urimet personale sulmuesit anglez. Me 267 gola ai u bë golashënuesi më i mirë në historinë e Spurs, duke kaluar legjendarin Jimmy Greaves.
History: made ✅
Harry Kane’s record-breaking goal… pic.twitter.com/mYkONzKzFY
— Tottenham Hotspur (@SpursOfficial) February 5, 2023
“MOS U KTHE MË”
Gjatë videotelefonatës, Conte ka uruar të gjithë ekipin për fitoren. Në videon e xhiruar për të dokumentuar “prezencën” e Conte në dhomat e zhveshjes, Kane dëgjohet duke e pyetur për shëndetin: “Si je shef, a je mirë?”.
“Po, po. Ti më bëre krenar. Ju i bëtë tifozët e Spurs krenarë”, u përgjigj ish-tekniku i Juve, Inter dhe kombëtares së Italisë.
This Harry Kane and Antonio Conte moment from the Tottenham dressing room 🤍
The Spurs boss is recovering from surgery at his home in Italy but called to congratulate Kane on goal no. 267.#PL #OptusSport pic.twitter.com/2z0QFMnDQ3
— Optus Sport (@OptusSport) February 5, 2023
Por në sfond dëgjohet dikush që thotë në italisht: “Mos u kthe më. Mos u kthe më”. Është e vështirë të thuhet me siguri se kush e bëri këtë shaka në dhomat e zhveshjes. Ndër lojtarët që mund të dinë italisht janë Romero (i përjashtuar gjatë ndeshjes kundër City), Perisic, Bentancur dhe Kulusevski.