Vijon të rritet numri i viktimave nga tërmetet e fuqishme që goditën Turqinë dhe Sirinë, duke arritur në afro 20 mijë të vdekur.
Presidenti i Turqisë, Recep Tayyip Erdogan, në një deklaratë për mediat sot pasdite tha se numri i viktimave në vendin e tij është 16.546.
Në anën tjetër, Siria ka raportuar për të paktën 3.162 të vdekur. Më herët, OKB ka njoftuar dërgimin e ndihmave në Siri, teksa apelon për më shumë mbështetje për vendin.
Në një deklaratë, Sekretari i Përgjithshëm i OKB-së, Antonio Guterres konfirmoi dërgimin e një autokolone mjetesh me ushqime dhe materiale të nevojshme në ndihmë të qytetarëve.
“Do dërgojmë ndihma, por duhen ende më shumë. Ne duhet të vendosim qytetarët në plan të parë” – thuhet në deklaratën e Guterres.