Manchester City këtë herë nuk toleron dhe përfiton nga ndalesa e dytë radhazi e Arsenal. Citzens triumfuan në javën e njëzetë e tretë të Premier League, duke mposhtur 3-1 në shtëpi Aston Villa. Vendosën ndeshjen në favor të skuadrës së teknikut Guardiola, golat e Rodri, Gundogan dhe Mahrez. Nuk shërbeu për shumë goli i miqve i firmosur nga Watkins. Të besuarit e Guardiolas ngjitetn tani në 48 pikë në renditje (në 22 ndeshje).
Shumë e lehtë për Manchester City, që mposhti Aston Villa 3-1 në Etihad. Gjithçka u vendos në pjesën e parë, me Citizens që e nisën shumë fuqishëm. Avantazhi erdhi pas katër minutash falë goditjes me kokë të Rodri. Blutë e Manchester City dominuan pjesën e parë dukshëm, duke dyfishuar rezultatin në minutën e 39′. Këtë herë në gol shkoi Gundogan, që finalizoi një asist të Haaland. Në fund të fraksionit të parë llogaritë u mbyllën me golin e 3-0. Mahrez në minutën e 46′ konvertoi penalltinë e fituar nga Jack Grealish.
Lexo më tej: Video/ Rashford e Garnacho tërheqin United te fitorja: Leeds rrëzohet 2-0 në Elland Road
Në pjesën e dytë, ndeshja dukej se do të zbehej, por në minutën e 61′ miqtë shkurtuan distancën me diagonalen precize të Ëatkins. Skuadra e Emery filloi të shpresojë për një rikthim, por formacioni i Guardiolës e menaxhoi mirë avantazhin. City rrezikoi vetëm në shtesë, me Duran që goditi traversën. Përfundoi 3-1, me Manchester City që u ngjit në 48 pikë, tre pas kryesuesve të Arsenal. Aston Villa mbetet me 28.