Tre shtetas shqiptarë u kapën e përfunduan në pranga në zonën e Brescias dhe Desencanoz në Itali. Ata janë kapur nga autoritetet vendase me disa kilogramë drogë. Ata dyshohet se kishin për qëllim shitjen. Mësohet se i pari është arrestuar në zonën e Desenzanos teksa posedonte rreth 4 kilogramë kanabis.
Disa orë më vonë në qytetin e Brescias autoritetet kanë kryer arrestimet e tjera. Në zonë janë kapur dhe vendosur në pranga dy shpërndarës droge gjithashtu nga Shqipëria të cilëve u janë sekuestruar rreth 8 kilogramë kanabis.