Në të njëjtën fundjavë që Inter ra në Bolonja, kundërshtari i zikaltërve në 1/8 e Ligës së Kampionëve, Porto, u mposht në mënyrë të papritur. Ajo që fundosi skuadrën nga Oporto ishte një skuadër e mesit të renditjes, Gil Vicente. Një humbje e dhimbshme për ekipin e Conceicao, që shkon në -8 nga Benfica kryesues dhe efektivisht i jep lamtumirën shpresave për titull. Humbja ndërkohë e ka tërbuar presidentin e klubit luzitan, Jorge Nuno Pinto da Costa. Pas ndeshjes (mbyllur 9 kundër 11) ai ishte shumë i ashpër: “Nëse VAR funksionon për disa dhe nuk funksionon për të tjerët, atëherë mjaft me VAR. Sepse thjesht shpenzon para dhe shtrembëron të vërtetën e kampionatit”.
KAMPIONAT I FALSIFIKUAR
“Si falsifikohet renditja e kampionatit? Ka shumë përgjigje të mundshme – tha numri një i Portos -. Por pak do të jenë aq të qarta sa episodet e javës së 22-të. Mungon një përjashtim për një lojtar të Benfica dhe një penallti për Vizela, ku VAR nuk ndërhyri. Të nesërmen i ndodhi ekipit ndjekës. Është fakt që, në këtë ndeshje, pati dy ndërhyrje nga arbitri video, që ndikuan direkt në rezultatin negativ për Porton. E është fakt që një ditë më parë pati dy mosndërhyrje nga arbitri video, të cilat ndikuan drejtpërdrejt në rezultatin pozitiv për Benfica. Kështu, renditja e kampionatit është e deformuar”.
“A lição deste jornada é: acabe-se com o VAR” pic.twitter.com/Cx9DaLW2GN
— FC Porto (@FCPorto) February 26, 2023
“Duke pasur parasysh performancën e VAR sot dhe të VAR në ndeshjen e Vizela, po bëj një kërkesë. Mjaft me VAR sepse ta kesh për disa dhe jo për të tjerët do të thotë të kundërtën. Nëse VAR punon për disa dhe nuk funksionon për disa, atëherë mjaft me VAR. Thjesht shpenzon para dhe shtrembëron të vërtetën e kampionatit”, vazhdoi Pinto da Costa. Presidenti i Porto, më pas, komentoi duartrokitjet e gjata që publiku i bëri lojtarëve të tij në bilbilin e trefishtë: “Publiku e kuptoi që lojtarët bënë më të mirën. 9 kundër 11 ishte një mision pothuajse i pamundur. Humbën sepse duhej të humbnin dhe nuk dua të shtoj asgjë tjetër. Shpresoj që Këshilli i Arbitrave të mendojë me kujdes për atë që ndodhi. Ndoshta duhet të fokusohemi më shumë në kompeticionet e huaja, por do të mundohemi dita-ditës për të marrë fitoret”.