TikTok po prezanton masa të reja për mbrojtjen e të miturve. Për përdoruesit nën moshën 18 vjeç do të ketë një kufi ditor automatik deri në 60 minuta.
Kufizuese por jo shumë. Nëse do të arrihej kufiri i mësipërm, do të mjaftonte të futej një kod për të vazhduar “lëvizjen” në platformën në pronësi kineze. Për më tepër, të interesuarit drejtpërdrejt do të kenë ende mundësinë që të heqin dorë nga ky kufizim i cili, sipas asaj që u njoftua nga “TikTok”, do të zbatohet “në javët në vijim”.
Aplikacioni specifikoi gjithashtu se prezantimi i këtij funksioni synon të ndihmojë njerëzit të “ruajnë kontrollin” e përdorimit që bëjnë me median.
Si pjesë e kësaj veçorie të re, çdokush nën moshën 18 vjeç do të marrë gjithashtu një njoftim javor me një “përmbledhje të kohës para ekranit”.
Prindërit e të miturve që përdorin opsionin “Çiftimi familjar” në aplikacion do të jenë në gjendje të vendosin kufij kohorë dhe të kenë akses në një panel kontrolli që ofron një përmbledhje të përdorimit të aplikacionit.
Cormac Keenan, kreu i besimit dhe sigurisë në TikTok, tha në lidhje me këtë çështje: “Ndërsa nuk ka një pozicion të miratuar kolektivisht për sasinë ‘e duhur’ të kohës para ekranit, apo edhe ndikimin e kohës para ekranit në përgjithësi, ne konsultuam kërkimet aktuale akademike dhe ekspertë në Laboratorin Dixhital të Wellness të Spitalit të Fëmijëve të Bostonit në përzgjedhjen e këtij kufiri.
©LAPSI.AL