Roma mundi 1-0 Juventus në ndeshjen e mbrëmjes së javës së 25-të të Serie A. Verdhekuqtë u ngjitën në vendin e katërt të renditjes, së bashku me Milanin, në kuotën e 47 pikëve. Për të vendosur një ndeshje të bllokuar dhe tepër dorështrënguar në emocione shërbeu një blic i Gianluca Mancini.
26 vjeçari realizoi një gol të mrekullueshëm nga distanca në minutën e 53-të. Bardhezinjtë goditën tre shtylla, një në pjesën e parë dhe dy në të dytën, por nuk mundën të krijonin kushtet për ta përmbysur rezultatin.
Lexo më tej:Gjykata e Apelit merr kohë, pezullohet skualifikimi për Jose Mourinho: në pankinë kundër Juventus
Në fund vlen të theksohet se në minutën e 90-të, bardhezinjtë mbetën me 10 lojtarë. Sulmuesi Kean u ndëshkuar me karton të kuq, për ndërhyrje antisportive me shkelm ndaj autorit të golit Mancini. Kështu 23 vjecari që hyri në fushë në minutën e 89′-të doli prej saj vetëm pas 40 sekondash lojë. Kështu Allegri rrëzohet pas 4 fitoreve radhazi. Nërkohë Juventus mbetet në kuotën e 35 pikëve dhe ngadalëson ecurinë e tij drejt Europës.
Në ndeshjet e tjera dy barazime dhe një fitore e Inter. Zikaltrit arritën të kalonin 2-0 në shtëpi Lecce, duke u ngjitur në vendin e dytë me 50 pikë. Sigurisht distanca me Napolin kryesues është e paarritshme -15. Barazim 0-0 mes Spezia e Verona, por i njëjti rezultat edhe në Sampdoria-Salernitana.
Italy Serie A
Spezia 0-0 Verona
Sampdoria 0-0 Salernitana
Inter 2-0 Lecce