Cristiano Ronaldo shënoi gol edhe jashtë fushës. Pasi mbushi portat kundërshtare me gola në ndeshjet e fundit me Al Nassr, portugezi ishte protagonist i një gjesti që bëri menjëherë xhiron e rrjetit. Një fëmijë sirian, i goditur nga tërmeti në vendlindje, kishte shprehur dëshirën për të përqafuar idhullin e tij në një video dhe CR7 nuk hezitoi. Ekipi arab i emergjencave që ndihmoi djalin, e çoi atë në Riad. Kështu Rabeeh Shaheen ndoqi një ndeshje dhe përqafoi kampionin luzitan.
I pyetur nga Cristiano Ronaldo për gjendjen e tij, djaloshi dukshëm i emocionuar u përgjigj duke kryer festimin ikonik të sulmuesit “Siuuu”. Ronaldo doli në media për të përshëndetur të riun sirian që kishte shprehur dëshirën për ta takuar. Kampioni portugez nuk është i ri për gjeste të këtij lloji. Ai ka shërbyer më parë si ambasador i Save the Children, Unicef dhe World Vision. CR7 ka dhuruar 1 milion £ për spitalet portugeze gjatë pandemisë së koronavirusit.
Criança síria realizou o seu sonho e conheceu Cristiano Ronaldo.pic.twitter.com/33ZT4Odbi9
— Cabine Desportiva (@CabineSport) March 3, 2023
Lexo më tej: Video/ Cristiano Ronaldo ‘on fire’: tjetër trigolësh e numra impresionues me Al Nassr
NJË AVION ME NDIHMA, I PAGUAR NGA CR7
Jo vetëm kaq sepse Cristiano Ronaldo bëri edhe një gjest solidariteti me të mbijetuarit e tërmetit në Turqi dhe Siri. Portugezi dërgoi një avion plot me të gjitha llojet e gjërave të nevojshme në zonat e prekura. Brenda avionit kishte tenda, shtretër, batanije, jastëkë, pako ushqimore, qumësht dhe furnizime mjekësore. Mallrat, të paguara tërësisht nga CR7, u dërguan në Turqi dhe Siri.
#CristianoRonaldo ha inviato un aereo pieno di beni di prima necessità in #Siria e #Turchia. Nel silenzio dei mass media, il calciatore multimilionario compie un gesto inaspettato.
Nessuna solidarietà teatrale, ma il dono del silenzio, a differenza di qualcun altro in #Italia.— Il Carro Armato (@Il_CarroArmato) March 6, 2023