“Mendoj se e filluam lojën aty ku e lamë para disa ditësh në Ballsh. Ishte një provë karakteri te sfida e Ballshit. U thashë çunave ku e lamë në Ballsh, ta fillojmë sot me Rrogozhinën. Mendoj se kishim shumë mungesa, por djemtë janë heronj. Treguam karakter, durim, vuajtëm dhe në fund morëm atë që merituam”. Xhevahir Kapllani e ka një frymëmarrje lehtësuese fitoren 2-1 kundër Egnatias. Shijakasit nuk fitonin prej 5 ndeshjesh, kështu që ky sukses ka ardhur në kohën e duhur: “Besoj se do na ndihmojë se kampionati ka hyrë në fazë të rëndësishme. Çdo pikë është flori – tha Kapllani -. Vinim pas disa ndeshjeve barazim dhe mendoj se kjo fitore do na vlejë. Shpresoj të vazhdojmë të ecim me këto hapa deri në finish”.
Lexo më tej: Video/ Penallti me VAR, gafë e portierit e shtyllë: Erzeni përmbyt Egnatian, që përshëndet kreun
Në fund një bilanc edhe për organikën. Erzeni nuk ka kohë për të humbur, se ndeshjet ashpërsohen, por lajme të mira vijnë nga infermieria: “Shpresoj të na rikthehet Sadiki e Kadriu – tha tekniku -. Krasniqi ka nisur stërvitjen e ka bërë hapa të kënaqshëm. Tani duhet të ulim kokë, të festojmë sot por nesër të mendojmë për javën e ardhshme”, tha Kapllani.
TETOVA: PIKA E DOBËT ISHTE MBROJTJA
“Ishte një pjesë e parë ‘jo’ për ne. Pika jonë më e dobët sot ishte mbrojtja. Kishim Malotën me dhimbe koke, por ishim të detyruar ta provonim se nuk kishim as Kacbufin. Në pjesën e dytë pasi ndryshuam diçka, ishim më të qartë drejt portës kundërshtare. Fatkeqësisht pa arritur rezultatin që kërkonim”. Edlir Tetova flet hapur, duke evidentuar defektin e skuadrës së tij në humbjen 2-1 me Erzenin. Tekniku nuk përdor lojëra fjalësh për të treguar cfarë ndodhi me rrogozhinasit. “Ishim në ditë të keqe, se kur çalon mbrojtja është shumë e vështirë të shtysh përpara. Në pjesën e parë, ishim thuajse inekzistentë në sulm, sigurisht edhe për meritë të Erzenit. Në pjesën e dytë ndryshuam modulin, duke luajtur me dy sulmues. Ishte efektive, shkuam drejt portës, ishim më efektivë, pa arritur atë që deshëm”, tha Tetova.