UEFA kërkoi dhe mori dokumentet më të fundit shtesë në lidhje me llogaritë e Juventus. Institucioni që drejton futbollin kontinental kërkon në këtë mënyrë të hetojë settlement agreement të muajit gusht. UEFA vazhdon të jetë e interesuar për hetimin Prisma. Organizmi i futbollit europian në fakt i ka kërkuar prokurorisë së Torinos dërgimin e dokumenteve më të fundit në lidhje me hetimin ndaj Juventus. Dokumente që tashmë janë dërguar dhe marrë nga UEFA.
Kjo për shkak se organizmi më i lartë evropian më 1 dhjetor ka hapur një hetim të tijin për klubin e Juventus. CFCB (Trupi i Kontrollit Financiar të Klubit) po punon ngushtë me autoritetet italiane. Ata duan të sigurohen që pasqyrat e fundit financiare të Juventus të jenë të sakta. Kjo pasi më 23 gushtin e kaluar, klubi i Juventus ka lidhur marrëveshje me UEFA-n pikërisht mbi bazën e buxheteve të viteve 2019, 2020 dhe 2021, që janë në qendër të hetimit penal.
Lexo më tej: Opinioni ndryshe i Corriere dello Sport për ‘kartën Covisoc’: “Një autogol nga ana e Juventus”
ÇFARË DO TË THOTË KJO PËR JUVENTUS
Hetimi në nivel evropian nuk është i lidhur në asnjë mënyrë me atë të FIGC. Me përjashtim të shkëmbimit të dokumenteve. Prandaj, dënimi i marrë nga Gjykata e Apelit nuk do të ketë asnjë ndikim në vendimin që do të merret në nivel evropian. Për Juventusin ky është një front i dytë beteje. Pikërisht nga ky front i ri mund të vijë pezullimi i klubit nga garat evropiane. Ndoshta edhe një bllokim i merkatos së transferimeve. Pa harruar masa të tjera që Ceferin mund të vendosë bazuar në rezultatet e hetimit.
La #Uefa ha chiesto alla Procura di Torino gli atti delle indagini suppletive svolti nell’ambito dell’inchiesta sui bilanci della #Juventus (#CorSera) pic.twitter.com/muNuRmQjUP
— Giovanni Capuano (@capuanogio) March 14, 2023