Madalina Ghenea, modele dhe aktore e njohur, është përfolur për të dashur të shumtë. Krijoi zhurmë dhe habi të madhe flirti i supozuar me lojtarin e kombëtares italiane Nicolò Zaniolo. Me atë rast, aktorja u detyrua të lëshojë një deklaratë zyrtare.
Nga një takim i vetëm dikush kishte nxjerrë përfundimin se flirti ishte një histori dashurie. Madalina Ghenea foli për këtë në mikrofonat e Silvia Toffanin, në programin Verissimo: “Për një farë kohe e kam përjetuar të gjithë këtë shumë keq. Por më pas arrita të gjej një mënyrë për të bërë çfarë ishte e duhur për mua. Unë kam mësuar ta mbaj jetën private sa më shumë që të jetë e mundur”. Ghenea theksoi nevojën për të mbrojtur vajzën e saj Charlotte nga të gjitha këto thashetheme.
SI LINDI ALUDIMI QË MORI PËRMASA…
Madalina Ghenea ishte përfshirë në qendër të divorcit mes Zaniolo dhe Sara Scaperrotta. Modelja rumune ishte konsideruar shkaku i ndarjes së çiftit. E për këtë ajo ndërhyri të sqaronte edhe më herët pozicionin e saj. Modelja rumune shpërndau një njoftim për shtyp përmes firmës ligjore Bernardini de Pace. Ghenea mohoi një marrëdhënie me lojtarin duke pretenduar se ishte takuar me të vetëm një herë.
“Nuk jam e fejuar prej shumë muajsh. Jam një grua e pavarur dhe krenare që jam e tillë. […] Më bën të buzëqesh kur mendoj se gratë gjithmonë duhet të shihen si ‘në kërkim të burrit’. Sikur të mos kenë asnjë vlerë vetëm… E bota po analizon, në një mënyrë përkujdesëse, të gjithë sjelljen e tyre gjithmonë në këtë drejtim. […] Për Krishtlindje dhe Vitin e Ri isha me njerëzit më të dashur që kam në botë: nëna ime dhe vajza ime. Një takim falë miqve të përbashkët, biseda, shakara zbavitëse dhe të qeshura së bashku në mediat sociale (në lidhje me një shkëmbim batutash me Zaniolo në Instagram) në transparencë e në dritën e diellit, nuk shprehin një fejesë dhe nuk fshehin asgjë. A nuk mendoni kështu?”.