• |
ide | kryesore

306 km/h me Ferrari në Kalimash/ Policia ndalon të famshmin e TikTok

-Instant, Arkiva, Lajme, Të fundit
Ferrari



Policia Rrugore e Tiranës ka ndaluar ditën e sotme drejtuesin e një automjeti luksoz, “Ferrari” i cili ka qarkulluar me shpejtësi me 306 kilometra në orë në tunelin e Kalimashit. Pamjet u publikuan disa ditë më parë në rrjetet sociale dhe u shpërndanë gjerësisht kur drejtuesi i mjetit sportiv lëvizte me një shpejtësi skëterrë.

Raportohet se bëhet fjalë për shtetasin Aleks Visha, i cili është shoqëruar së bashku me mjetin e tij pranë Policisë Rrugore dhe është detyruar të paguajë në gjobë prej 100 000 lekësh të rinj. Aleks Visha është një emër i njohur për drejtësinë dhe opinionin publik, pasi herë pas here regjistron video dhe i publikon në rrjetin social TikTok.

Ai gjithashtu ka qenë një personazh i njohur edhe për drejtësinë, pasi është dënuar më parë në Angli për vjedhje dhe ka qenë ekstraduar në Shqipëri për llogari të autoriteteve shqiptare.

“Pas publikimit në rrjetet sociale, të një videoje në të cilën shfaqej një automjet që qarkullonte me shpejtësi 305 km/h, Policia Rrugore e Tiranës ka intensifikuar punën për identifikimin e automjetit dhe të drejtuesit të tij. Në bazë të pamjeve filmike të siguruara, është identifikuar dhe ndaluar automjeti tip “Ferrari” me drejtues shtetasin A. V., të cilin e Policia e ka shoqëruar në Komisariat.

Ndaj drejtuesit të automjetit u mor masë administrative 100 000 lekë të rinj. Policia Rrugore e Tiranës apelon për drejtuesit e automjeteve që të zbatojnë me rigorozitet rregullat e qarkullimit rrugor dhe apelon gjithashtu për ndalimin e publikimeve që kanë karakter joedukativ për sigurinë rrugore” – thuhet në njoftimin e policisë. ©LAPSI.al



6 Comments

  1. Me ndriconi pak. E me tregoni. Se per cfar eshte i famshem, ky lyfi.
    Cfar ka ber?
    Cfar ka shpikur?
    Cfar ka shkruar?
    Cfar ka kenduar?
    Cfar ka aktruar?
    Cfar sporti, luan?

  2. Kriza e vërtetë në këtë vend është budallëku. Po na mbyt budallëku. Është këmbë kryq sheshit, sa të dalësh nga dera e shtëpisë e sheh. Budallëk e injorancë sa të sheh syri; gjithë ditën, gjithkund, në të gjitha moshat, sekset, profesionet, familjet. Ka një budallek aq të madh sa nuk ndalohet dot, nuk fshihet, të del përpara dhe të zën frymën.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *