Një orë pas mbylljes së qendrave të votimit kanë dalë exit poll-et e para të zgjedhjeve presicenciale të zgjedhjeve në Malin e Zi të mbajtura këtë të diel.
Sipas rezultateve paraprake të “Qendrës për Tranzicion Demokratik” bazuar në 74,4% të fletëve të përpunuara prej tyre, Presidenti aktual, Milo Gjukanoviç ka fituar 36,8% të votave. Pas tij renditet Jakov Milatoviç që ka fituar 27,4% dhe i treti vjen Andrija Mandiç me 19%.
Vijesti raporton se sipas këtyre të dhënave në vendin e katërt është Aleksa Beçiç me 11.3%. Lista mbyllet me Draginja Vuksanoviç Stankoviç që ka 3.2%, Goran Daniloviç me 1.5% dhe Jovan Raduloviç 0.7%.
Pjesëmarrja llogaritet diku te 60% e votuesve. Në garë ne zgjedhjet presidenciale ishin gjithsej 7 kandidatë. Fituesi duhet të marrë 1 votë më shumë se gjysma. Në të kundërt do të ketë balotazh pas 2 javësh mes 2 kandidatëve më të votuar. ©LAPSI.al
Edhe pse mbetet figurë e rëndësishme në politikën e Malit të Zi, Gjukanovic nuk mund të fitojë zgjedhjet presidenciale, sepse u përdor inxhinjeria elektorale e shumë kandidatëve për të mos patur fitues në raundin e parë , për shkak të parcelizimit të votave.
Mendoj se zgjedhjet i fiton Jakov Milatoviç, jo thjesht se doli i dyti me 19 mars, por për tre aresye :
1-Figurë e brezit të ri, New Generation, i përgatitur për të qenë politikan i rendit të ri, çka është shfaqur si tendencë në zgjedhjet e zhvilluara në vende të ndryshme europiane.
2-Është hebre dhe as serbët e as malazezët nuk mund të thonë se i takon këtij apo atij, gjë që u duk edhe në rastin e Abazovicit dhe mbeshtetjen që pati për origjinën nga një pakicë etnike, përpos kompromiseve që bëri .
3-Jakov Milatoviç, i cili ka patur poste të rëndësishëm qeveritare është shprehur prej kohësh se ka votuar me 2006 për pavarësinë e Malit te Zi, por është për mirëkuptim e afrim me Beogradin, duke patur keshtu mbeshtetjen e serbeve ne vend, e shprehur me votë në raundin e parë dhe do të rritet me 2 prill.
ende nuk e gjeten nje fjale shqipe per exit poll
dhe sa kohe doni?
Akoma te njerzit perdoret tru shplarja, nuk fiton njeri ne baze te votave ,por çfare ka vendosur big brotheri ,aleati , ,,tashme po e shohim dhe ne shqiperi,…voto sa te duash e si te duash,…personi paracaktohet nga kulisa shume lart ,….votuesit vetem mbushin skenografine me vullnetin e tyre ligjor,…..