Një denoncim i fortë ai që influencuesja Candela Lecce ka drejtuar ndaj Mauro Icardi. Bëhet fjalë për “ngacmime dhe dhunë psikologjike”. Influencuesja e re pretendon se ka marrë mesazhe të shumta nga futbollisti. E se ka hyrë në krizë pas ndryshimeve të vazhdueshme të mendjes së tij. “Nuk e di nëse ky ngacmim është pjesë e spektaklit apo çfarë. Nuk pushova kurrë së marri mesazhe prej tij”, tha Candela Lecce për programin argjentinas “Mitre Live”.
Candela Lecce më pas e ka denoncuar futbollistin për ngacmim dhe dhunë psikologjike. Në një intervistë dhënë Juan Etchegoyen për “Mitre Live” ajo zbuloi: “Që nga ajo kohë që u ekspozova dhe fola për të, kam përjetuar një situatë të trishtuar, të shëmtuar. Ka ngacmime që nuk e di nëse është funksionale për spektaklin apo çfarë. Nuk kam reshtur së marri mesazhe. E këtë herë thashë jo, kam heshtur deri tani por nuk më pëlqen fare. Më ka thënë fraza të tipit ‘kjo është për mediat, duhet ta kuptosh, jam në një moment të vështirë tani’. Miliona mesazhe të tilla nga ai, është dhunë psikologjike që ai ushtron ndaj meje.Ka shumë situata që nuk mund të mbeten pa u ndëshkuar, njerëzit e dinë. Ti lëndon një person tjetër në rrjetet sociale. Realiteti është që kam kaluar shumë keq dhe mu desh të nisja një rrugëtim psikologjik për gjithë këtë”.
MODUS OPERANDI
Candela Lecce shtoi: “Mënyra e tij e të vepruarit është të shkruajë, pastaj të fshijë. Të bllokojë, të zhbllokojë. Ajo që më mërziti më shumë ishte ky mesazhi i fundit që më dërgoi. Nuk dija si të reagoja dhe mjedisi im më tha se ai është psikologjikisht i sëmurë. Çfarë dobie ka ta fsheh? Njerëzit thonë se dua të bëhem e famshme. Nuk është kështu, i keni të gjitha provat dhe unë nuk gënjej. Ai viktimizohet gjithnjë e më ka thënë se gjëra të tilla nuk mund t’i them publikisht. Më ka folur edhe për Wanda në disa biseda, dua vetëm të fshihet nga jeta ime dhe të mos më dërgojë më mesazhe. Dua paqe dhe qetësi, kjo është mënyra ime e vetme për të thënë mjaft. Nuk mund të bëjnë këta dy njerëz atë që duan me jetën time”.