Trupi i pajetë i shtetasit spanjoll Francesko Servia, i cili ka humbur jetën mbrëmjen e djeshme duke u vetëplagosur me mjet prerës në dush në ambientet e një hoteli në fshatin Karavasta të Divjakës, ndodhet në morgun e Tiranës. 47- vjeçari punonte në zonë si specialist për montimin e pajisjeve në sera. Ai është gjetur nga shoku i tij Oskar Velasko i dëmtuar teksa ka prerë damarët.
I alarmuar 41-vjeçari ka njoftuar njerëzit e tjerë të godinës ku ishin akomoduar. Në vendngjarje ka mberritur menjëherë policia dhe ambulanca e cila e ka transportuar drejt Tiranës pa shenja jete. Shoku i tij i dhomës, 41-vjecari Oskar Velasko në dëshminë e tij në polici ka deklaruar se së fundi 47- vjeçari kishte shfaqur shenja depresioni dhe nervozizmi. Kjo sipas shokut vjen për shkak të mosmarreveshjeve me bashkëshorten e cila ndodhet në Spanjë. Megjithatë 41-vjeçari thotë se kurrsesi nuk e mendonte që spanjolli të arrinte në këtë akt ekstrem.
Oskar Velasko ka deklaruar në polici se 47-vjecari kishte patur debate me bashkëshorten sepse punonte larg familjes.
“Kishte probleme me gruan, punë nderi. Kishte kohe që debatonte” ka thënë Velasko. Dy shtetasit spanjollë kanë mbërritur në Shqipëri në datën 13 shkurt të këtij viti. Ata punonin si specialistë në montimin e impianteve të vaditjes në sera. Nën drejtimin e Prokurorisë po kryen hetime të thelluara hetimore për sqarimin e rrethanave të ngjarjes për të përcaktuar shkakun e vërtetë të kryerjes së vetëvrasjes.