Momente paniku dhe tmerri në Spanjë, gjatë ndeshjes së Serie C spanjolle mes Cordoba dhe Racing Ferrol. Në minutën e 11′, me rezultatin 1-1, Dragisa Gudelj humbi ndjenjat në fushë. Vëllai i mesfushorit të Sevilla, Nemanja, u shemb përtokë pas një ataku kardiak. Shokët e skuadrës, të tronditur, shpërthyen në lot kur e kuptuan situatën dhe mjekët u vërsulën me defibrilatorë. I rianimuar për disa minuta, Gudejl më pas rimori vetëdije e tentoi të ngrihet nga barela në momentin e futjes në ambulancë. Serbi tentoi të rikthehet në fushë, një përpjekje që, në mënyrë të qartë, iu mohua. “Lajmi i fundit që kemi është se Dragi është nën vëzhgim”, ka shkruar Cordoba në llogarinë e tij në Tëitter. Mbrojtësi i majtë serb është në gjendje të qëndrueshme në spital.
Analizat që iu nënshtrua Gudelj ishin një ekokardiogramë dhe elektrokardiogramë: të dyja me rezultate normale. Qendërmbrojtësi bardhejeshil, në krah të të cilit qendron i ati, është tashmë i vetëdijshëm. Serbi do të qëndrojë nën vëzhgim në spitalin Reina Sofía nga 24 deri në 48 orë. Gjatë kësaj kohe, do të vazhdojë të jetë i vëzhguar dhe do të përsëriten edhe njëherë analizat për të zbuluar burimin e arrestit kardiak.
Sipas gazetës lokale Diario Córdoba, Gudelj mbeti i pajetë në fushë për shtatë minuta. Nisur nga situata dramatike, gjyqtari më pas vendosi të pezullojë përfundimisht ndeshjen.
VIDEO
Situación dramática en El Arcángel. Atienden a Dragi Gudelj sobre el verde. El central del @CordobaCF_ofi se ha desplomado y la ambulancia ha accedido al terreno de juego. Le han realizado un masaje cardíaco. Está consciente y ha intentado levantarse. pic.twitter.com/edlJxpGsaj
— COPE Córdoba (@COPECordoba) March 25, 2023