Presidenti amerikan, Joe Biden deklaroi se ishte i shqetësuar për mundësinë që Rusia të dërgonte armë taktike bërthamore në Bjellorusi.
“Ata nuk e kanë bërë këtë ende. Është shqetësuese”, u tha Biden gazetarëve në Shtëpinë e Bardhë, shkruan Reuters.
Ndërkaq, inistria e Jashtme e Bjellorusisë u shpreh se vendosja e armëve bërthamore ruse në territorin e saj nuk është në kundërshtim me Traktatin e Mospërhapjes (NPT).
Bashkëpunimi ushtarak midis Bjellorusisë dhe Rusisë kryhet në përputhje të rreptë me ligjin ndërkombëtar, tha ministria.
“Trajnimi i pilotëve bjellorusë të aftë për aeroplanë me municion specifik, modernizimi i avionëve të tillë, si dhe vendosja e kokave bërthamore në territorin e Bjellorusisë pa transferuar kontrollin mbi to në Minsk, si dhe akses në teknologjitë e duhura, në asnjë mënyrë nuk bie ndesh me dispozitat e neneve I dhe II të NPT-së”, thuhej ndër të tjera në deklaratë.