Një ngjarje tjetër e rëndë ndodhi mbrëmjen e kësaj të mërkure në Tiranë. Policia njoftoi se në rrugën “Komuna e Parisit”, një person, me iniciale A.B. ka qëlluar me thikë një 19-vjeçar të identifikuar si Erius Tuce.
I riu është dërguar në spital ku ndodhet nën kujdesin e mjekëve jashtë rrezikut për jetën nga plagët e marra. Mësohet se i riu u godit me thikë në shpatull. Policia thotë se falë reagimit në kohë është kapur e vënë në pranga autori. Aktualisht po punohet për sqarimin e rrethanave të ngjarjes.
“Shërbimet e Komisariatit të Policisë Nr. 2 pas informacioneve të marra për një konflikt me mjete prerëse në Komunën e Parisit, gjatë të cilit shtetasi A. B., kishte goditur me mjet prerës shtetasin E. T., 19 vjeç, menjëherë kanë organizuar punën për kapjen e autorit të dyshuar dhe vënien e tij përpara përgjegjësisë ligjore.
Në vijim të veprimeve u bë shoqërimi i autorit të dyshuar shtetasit A. B., 20 vjeç, banues në Tiranë, i cili gjatë një konflikti për motive të dobëta, ka goditur me mjet prerës shtetasin E. T. Si pasojë e konfliktit, shtetasi E. T., është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes” – thuhet në njofimin e policise. ©LAPSI.al
Dite thikash. Rendi nuk ka qene kurre me mire, thote gomari i Surreli
Mos besoni po deshet? Ka qene ne rendi me mire ndonjehere?
Te gjithe ptronazhistet do te ju thone qe kurre s’ka qene ne me mire!